Na de wijse De werelt is gheheel in roere
HEt Hemelrick soo Christus seyde Dat is ghelick een Coninck siet Die sijn zoon een Bruyloft bereyde Veel gasten hy doen nooden liet Maer sy en wilden comen niet // doen sont Den Coninck ander knechten diet Haer wederom hebben vermont Maer sommighe van dees ghenooden Maekten onschult qualick bedacht En andere hebben dees booden Ghedoot, bespot, en seer veracht Dees tidingh men den coninck bracht, om slaen Sant hy derwaerts al syn heyrcracht Dat heeft dees moordenaers verdaen Daer na sprac den heere, expeerdich Was de bruyloft wel bereyt, maer De gasten en warent niet weerdich Aldus gaet op der straeten, waer dat ghyer vant roepse al naer, tgincwel De tafels werden alle gaer Vol, soo haer den heer gaf bevel Als nu de tafels al vol waeren Besach de coninck syn volck, ghereet Vant hy doen een onder de schaeren Die en hadde gheen bruylofts cleet den coninck sprac doet my bescheet, hier van Hoe comt ghy hier en ghyt wel weet Dat ghy gheen bruylofts cleet hebt an
Hy sprack bint hem voeten en handen Werpt hem al in de duysternis Daer sal syn knersynge der tanden Huylyngh en schreynge ghewis Wanter vele gheroepen is // aenhoort Maer weynich wtvercoren, mis Sullender veel slaen na Godts woort Oorlof vrienden wilt v vercieren Heel inwendich met alle deucht Op dat ghy naemels goedertieren In de bruyloft oock comen meucht Daer ghy als een lief kint met vreucht Meucht wesen eeuwelick verheucht
Siet doch wel toe. Weest soo ghesint
Cookies on Poetry Cove