Na de wijse Van de neghen Soldaten Ofte Al die hier syn gheseten
ICk vinde my ghedronghen Inwendich deur den Gheest Een Liedeken ghesonghen Moet wesen met der tongen Tot stichtinge aldermeest Een dinck is te beclaghen Ouer des menschen staet Om datmen siet verjaeghen Sijn ouercorte daeghen Deur de doot diet al verslaet Wat wil den mensche rommen Al is hy Jonck oft sterck Hy mach aensien de blommen Psal 90. 6. 1. Pet. 1. 24.Hoe dat sy gaen en commen Hy staet int selfde perck Het tweede te verwachten Menich verschroomen doet Dat is als alle gheslachten Van wercken en ghedachten Rekeninghe gheuen moet Noch tmeeste is al naken Dees beyde alle uer Men siet soo weynich maken Bereyt haerlieder saken Om ontvlieden ghetreur Hoe wel dat Godt de Heere Clopt ende niet af en laet Noodt ende waerschout soo seere Op dat elck tot hem keere En t'auontmael ontfaet hy sent haer sijne knechten Hy doeter veele voor Hy wil haer op den rechten Wech brynghen, doch de slechten
En gheuen gheen ghehoor Den spotter en wil totten Leuen incomen niet Maer Godt sal sulcke sotten Belachen en bespotten In haer meeste verdriet Tschijnt aen der menschen schricken Niemant hem en verwacht Daerom hy met verschricken De traghe sal verclicken Als een dief in der nacht Eylacy voor den quaden Noyt meerder ongheval Wech is tijt der ghenaden Elck mensche loon na daden Als dan ontfangen sal Al buyten smenschen meenen Sal Godt comen al eer Dan salment wel beweenen Och dan en isser geenen Tijt om bekeeren meer Na dien u is verborghenApoc. 19. 6 O swack mensche wat tyt De Heere comt tsy morghen Oft heden soo draecht sorghen Dat ghy bereyt dan sijt
Weest op v hoede
Cookies on Poetry Cove