Na de wijse O Isackx Godt en Jacobs toeverlaet
4. Reg. 2,NAman een veldt hooftman over Sijrien Gheacht ghesien Machtich in eerschappien Maer was vol lasernien Nu hadden de crijchslien Wt Israel ghevaen Een maecht die sprack: Och waer mijn heer by dien Propheet gheschien Soude hem met verblien Ghesontheyt, dus om vlien Dit ghebreck, naman thien- Pont silvers heeft ghelaen, Noch een vermaen Van sijnen Coninck aen Israels Coninck ghedaen Om hem t ontslaen van sijn Melaetsche pijn,
Daer med' is hy ghegangen Maer doen dien strangen Brief heeft ontfanghen Den Coninck wert versaegt Ende sprack ick en sy Gheenen Godt maer o ghy Mannen besiet hoe hy Oorsaecke soeckt aen my Deur dat hy sulcx ghewaegt Elisa om te weeren alle schandt Ontboodt den quant Dies quam hy maer creech ant- Woorde deur een ghesant Wilt ghy verlost sijn vant Melaetsche vleesch soo gaet Wascht u seuenmael aen der Jordanen cant? Thoornighen brandt Creech hy met onverstant, Ick wil wederom want Ick meynde deur sijn hant Soude hy metter daet Verdryuen t'quaet Godt aenroepen om baet Maer noch hebben bepraet Hem sijne knechten dat Hy henen tradt Na Elisa Vermanen In der Joordanen Buyten sijn wanen Wert hy ghesont nam na Elisa sijnen ganck Vele gauen tot danck Hy hem te nemen dwanck Waer doch gheenen ontfanck
En dede Elisa Maer elisa knecht met ghierighen aerdt Synde beswaert Sprack, siet, myn Heere spaert Desen Syrier themwaert Wil ick nu metter vaert En van hem nemen wat Daer synde soo heeft hy valscheyt ghebaerdt Myn Heer verclaert Siet tot my syn vergaert Twee mannen dus geeft naert Behooren twee ghepaert Cleederen, bouen dat Van uwen schat Een centener, doen badt Naman dat hy in stadt Noch een soud' draegen twee Deed hem ghelee Als sy daer syn ghecomen Heeft haest vernomen Alsulcx den vromen Elisa, ende sprack Siet syn melaetscheyt sal Aenhangen v, en al V nacomers ghetal Om dat ghy doet aenval Aertsche goedederen sach Prince dit exempel neerstich bevlydt 'Svlees apetyt Niet volghende en syt Tis der zielen profyt Verre verscheyden wyt Tmaeckt met den Heere twist Van Giericheyt hout v herte bevrydt
Op dat verslydt Den inwendighen strijdt Beter het aertsche quyt Dan t'hemelsche Jolyt, Oft ghy schoon veel goet wist Wat bate ist Soo doch de ziele mist De woonste Jesu Christ Dus siet toe wat ghy werckt, Aenschout en merckt Hoe de ghierighe daden Wortels en saden[...]. 6. 10. Van alle quaden In de schrift bekent staen Daerom veel lieuer gheeft Hem die behoeftich leeft Een vrolick geuer heeft Godt lief, maer niet die sneeft Met ghiericheyt bevaen
Weest op v hoede.
Cookies on Poetry Cove