Stem: Wie wil hooren singhen?
ICk leef van herten blye,
De staet-sucht lagh ick mee,
En in mijn Linnen Pije,
Ben ick gants wel te vree;
Mijn Buyck en voelt gheen pijnen
Van Spaensch' of Rijnsche Wijnen;
Garsten-gort, en Haveren-bry
Voedt my meer als leckery.
2. Maer soud ick alle saecken
Aentrecken in mijn Sangh,
Die my gheluckigh maecken,
Ick songh ses daghen langh.
Ja licht den Sondagh mede,
Dat ick niet geern en dede,
Dies singh ick tot besluyt,
Een Boeren-staet munt uyt.