Dronckenschap.
El salto de la Rana de lo seco en el agua.
Een dronckaert dicwils maeckt een cael en ydel bors
En is als eenen vors
Om dat hy al den dach hem droncken drinckt en sat
En springht van t' droogh in't nat.
DE dronckaerts sijn gelijck de vuyle procedeerders
De beulen van t'gedult en quade bors regeerders,
Comedianten van den duyvel vol ghenucht
Die voor hem menichmael syn spelende een clucht
Om datse sijn als sot, want s'hun verstandt vercoopen
Aen d'eygen middelen die sy daer-om verloopen,
En als sy droncken sijn dan leyt t'hert inden mondt
Seer liberael en vry, dan kentmen hunnen grondt.