Coppelersse.
SOo s'in haer jonckheyt can ontgaen, om vande pocken
Te sterven, soo heeft sy in haeren ouden dach
t'Geluck om bedelen te gaen met cruck oft stocken
Al is't dat haer alsdan oock niemand sien en mach.
Schoon datse niet en is bytachtich, want de tanden
En nagels is sy quyt, bedrieghster vande jeught
Om dat sy d'eer vercoopt en brenght tot sond' en schanden
Niet als een mispel, die (wanneer sy vrot is) deught.
Uyt wys en geck, uyt goet en quaetDaer canmen leeren wat mistaet.