Amicus muni inimicus Dei.
Om dat des wereldts ydel schijn
Bedriegelijck, en vol fenijn,
Niet als veel bitterheyt can baeren,
Waer van de menschen qualijck vaeren,
Die't maer eens proeven, daer een hel
Van druck in steckt, dus seytmen wel:
Dat die wil sijn van s'werelts vrinden
By Godt geen vrientschap en sal vinden.
Een werelts vrindt Godts vyand' is
Dat comt van d'aerts becommernis.