[Laet nu sincken uwen bedroefden gheest]
Op de vvijse: Wie mach toch sijn de schoone teere maeght, &c.
LAet nu sincken uwen bedroefden gheest
En comt met vlijdt naer Bachi soete feest
Sijt vreuchdich soo lanck hy ons hier dient
Want den tijdt vlucht als den snellen wint
Ontsteeckt nu eens het alderbeste vat
Om te proeven het wel ghehopte nat
Waer door de droefheydt wort afghespoelt
En het herte veel ghenucht ghevoelt.
Schinckt ende drinckt den claeren renschen wijn
En laet ons nu met Iachus vrolijck sijn
Want Lycius vluchtich maecken sal
Alle sorghen en swaer ongheval.
Schept nu vreuchden ghy broeders vande min
Maer wilt vluchten Araggnes huysghesin
Want heden daeghs De waerheydt baert Nijdt
Hoort swijght, denckt, ende doet niemandt spijt.
FINIS.