In Schurmannae novum Studium linguae Aethiopicae, circa Kalendas Ianuar.
OMnia cum sciret, voluit nil scire videri
Anna, nisi extremos sciret & AEthiopes:
Has illam fuscas inter, nova numina, Musas
Vidimus, atque oculi vix habuere fidem.
Vidit & obstupuit gemini frons altera Jani,
Et Deus, Ecquis, ait, denique finis erit,
Si, quoties in me nova frons, in virgine lingua est,
Si quoties novus est Annus, & Anna nova est?