Ex Anglia redux. cIɔ Iɔc xɪɪx.
ANnuit coepto Deus, & remotis
Exulem terris per aperta salvum
Rura, per silvas patriae trementem
Iurgia vexit:
Annuit Sceptri Triados Britannae
Triplicis Rector, tetigit Batavum
Quâ nihil nostro viget orbe majus
Dexera labrum:
Annuit magno soboles Parente
Carolus vix nunc minor: annuisti
Digna quae tanto sociata vivas
Anna Marito.
Ecquid ingressum reduci, Penates
Patrii, laetum datis? equid olim
Qui meos in se Batavos adegit
Excidit ardor?
Ecquid, ut voces lachrimae rigarunt
Ultimas, voces lachrimae rigabunt
Denuo primas; madidumque Salve
Ecquid . . . . . . .
. . . . . . . . . . . .
. . . . . . . . . . . .
. . . . . .
Veritas fuco pia cessit: heu, heu
Saeculi mores! Ego, nequid errem,
Cedo; quid tecum mihi publicarum
Sarcina rerum?