Ad Schurmannam, num I. Secundi Sculpturam imitari voluerit.
ECquid ut Hagani tetigisti pauca Poëtae
Marmora, vel raros, gypsea signa, typos,
Ecquid ut oblata est avidis in talia ocellis
Vatis amatoris Julia sculpta manu,
Exempli stimulavit honos, & posse docebis,
Quae posset quivis, omnipotente manu?
Non liquet, & verò, nisi valdè fallor, honestè
Ociùs hoc factum nolle, negare fuit.
Indignata sequi, Virgo mea, credo Secundum es,
Ne sic fortè cui prima, secunda fores.