Concilium Ord. Confoed. Belgii. Staten Generael-Camer.
OPpida sint rivi, septem sint flumina Gentes;
Me Mediterraneî gurgitis instar habent.
Vinea sint Belgae, sint Pagi grana, vel Urbes,
Sint acini Populus quisque, racemus ego.
Dicet Aristoteles, quanto praestantior exstem
Tot sociis: quanto nempe Genus Specie.
Quid moror in minimis? Hìc cum septemplice telo
Concordi Patriam vindicat ungue Leo.
Quid faculis ornare diem, quid lampade Stellas,
Quid Solem verbis attinet? hìc Patria est.