Ad Ioannem Seldenum.
SEldene fulcrum saeculi labascentis,
Brittaniarum grande phosphorum sidus;
Quò te Batavum credis anserem ignotum
Brittanum olorem adire nemini ignotum?
Quò te throno sapientiae, throno illustri,
Ubi literatrum, transmarine dictator
In cismarinas sceptra prorogas Musas
Ad has cicadas usque, ad hasce descendas
Tricas rogare? nempe quò sciant nati,
Sciant nepotes olim, amiculos inter
Seldenianos Zulichemium patrem
Censum fuisse serò, sed tamen censum.