De mirabili herba Te, ad mirabilem Barlaeum.
A Gange nostro non diù petitum Te,
Te sobrium, Te providum, disertum Te,
Suave Te, subtile Te, eruditum Te,
Te gloriosum, nobilissimum Te, Te,
Tecum τι θεῖον, esca coelitum Te, Te,
Jentaculum, promulsis & caput caenae,
Fertur potenti, quodque per leves frustrà
Paeti vapores, quodque per graves frustrà
Bacchi liquores quaeritur, sacros oestro
Afflare vates, arduumque potis Tê
Nil repperiri, prona cuncta diti Te
Proferre venâ, bis valere ptotum Tê
Quod sobrius valebat; ut stupeat cum Tê
Sese esse factum quisque quod sine Tê non est
Genio nec arte. Si fidem meretur Te
Praeco penès te, si quod esse produnt Te
Te teste Te sit; Teste te & bonis Te ac te
Amantibus, teste, me diligenti Te
Ac te, disertè de Te dixit ac de te,
Barlaee, qui te dixit esse totum Te.