Ad Antverpiam.
ILicet, Hulsta manum, postico falsa, clientem
Mitibus Auriaci subjicit imperiis.
Omina ni afllunt, cecidere suburbia magnae
Urbis. in Antverpam proxima tela cadent.
Audi pulchra, ferox audi; nec sperne minantes,
Ore licet Batavo, damna propinqua Deos.
Nescit Iber quo desertam munimine servet:
Nec verò Batavis sanguinolenta places.
Victricem, non ultricem Clementia dextram
Porrigit: hoc nostri pignus amoris habe.
Constabit Civi regimen, constabit avitae
Romanus patribus Relligionis honos.
Ni properas, non constabunt. favor arma lacesset
Contemptus; legem victor utrisque dabit.
Elige amicitiâ vinciri, an vincier armis,
Stare, puta, soror, an serva jacere velis.