Gulielmus Nassavius N. ad Grollam deditioni proximam caesus.
NAssavium germen, nativa Parentis imago
Mauritii, ad Charties natus & arma puer,
Ut nihil invenit Patruo quod Grolla negaret,
Jamque daret victas penè subacta manus.
Ilicet, haec patrio, prima haec vindicta, sepulchro
Defuit, hàc partim debitor ipse fui:
Nec magìs hanc possint rapere opportuna juventam,
Nec minus invito claudere Fata diem.
Euge, feri me, quisquis eris, felicior hora
Non sequitur; propera, dixit, & occubuìt.