Epitaphium Rutingii Ecclesiae Belgicae, quae est Londini, quondam Pastoris.
DVm colit agrorum Domini Rutingius agros,
Christicolasque sacro gramine pascit oves;
Sed super ipsa pias extendens sidera curas
Coelica prae vili pascua laudat humo:
Invida Mors (non est inopiam dicere: Certè
Invida delitiis Belga-Britanne tuis)
Evocat orbe virum. Sequor, innuit ocyor ille;
Et sequitur. videas îsse, nec îsse putes.
AEquus Amor fuit, aequa Fides: hàc vivus eundum
Dixerat; excedens, hàc abaeamus, ait.
Sic vitâ dubitare vetat, sic morte, docere
Qui vitam valuit, non voluisse viam.
Quisquis es (& voveo moneant exempla) Viator,
Sic, abiturus, obi; sic obiturus, abi.
Lond. cIɔ Iɔc xxi.