Technaei.
TEchnaeus hic est, & silet: quid est, LEctor,
Velis viri facundiam simul pictam?
Fatetur illam Pictor optimus nullo
Colore, nullis posse penicillorum
Technis referri, quippe qualis insurgit,
Qualisque blandos volvit ore sermones
Technaeus, hìc est, ipsa lenitas, ipsa
Frontis benignae cum lepore majestas.
Quid attinet non posse, quod nequit, vivam
Fari tabellam, quando nempe Technaei
Vel saevientis, qui silentis est, vultus?