In effigiem I. Mauritij Com. Nassavij.
MItte, quis hic niteat sub majestate verenda
Blandae, spectatorr, quaerere frontis honos.
Si Patriae Alcidas, si Belgica fulmina nosti,
Mauritium hunc satis est dicere Nassavium.
Quaere tamen, si quis dubitas, cur laurea pictor
Noluit heröum cingere serta caput;
Nempe timens oculis totum subducere; tantâ
Saepe triumphator fronde tegendus erat.