In natalem principis LXum: qui fuit XXIX. Ian. cIɔ Iɔc xʟɪv. ad ipsum.
IPsa salus Patriae, Pater Unice, cujus ab ipso
Natali toties nascier ipsa solet.
Fas sit ad haec solus sileam cunabula; non est
Dictio quae sensus impleat ulla meos.
Qui sexagenos ità quod numeravis annos
Gaudeo, ut hos idem non numerasse velim.
Quid facias Vati ambiguo, qui, dispare voto,
Quem cupiat fieri non velit esse senem?