In Iacobi Vallensis M. de Sylva Ducis expugnata Carmen, mihi inscriptum.
VIctori Auriaco, cui virginitatis honorem
Invictae cessit Sylva subacta proco,
Perpetuus lethi victor Vallensis & Orci
Invictâ pposuit docta tropaea manu;
Victurum invidiam, victurum saecula Carmen,
Praesidio dignum posteritatis epos.
Dumque sui nec parca nimìs nec prodiga virtus
Ambigit augustum cui dicet autor opus,
Vicimus. en Batavo, placui de plebe, Galeno,
Magna mei frontem nominis ausa ferunt.
Ite triumphatae reduces de sanguine Sylvae,
Me sequitur nullâ caede cruentus honor.
Ista meos olim redimet victoria fastos,
Iste meus de te, Sylva, triumphus erit.