In Albo I. Frederici Gronovii.
AIn', Gronovi maxime? his angustiis
Jubes amoris arrha stipetur mei?
Peccas, diserte censor errorum, gravi
Errore peccas: non ferunt brevi freto
Immensa claudi, non sit Oceano minor,
Quâ quàm, Gronovi chare, sis charus mihi,
Scribam papyro. Nempe scripturus ferè
Quot hoc libello paginae vacant libris
Egeam vacivis. Judica quid sim potis,
Ubi confluente grandium turbâ virûm,
Quod nec satìs natura fert, Album est nigrum.