De effigie D. Hugenii Patris, à filio delineata.
HVgenius ille Filii talis Pater
Cum civitati filium talem dedit,
Sese in tabellâ civibus pictum dedit,
Vt non appelles efficaciùs queat.
At tu Parentem penicillo tam bono
Dum pingis, ipsum te tuendum publicas
Coloribusque lineisque tam bonis,
Imaginem ut quisquis videbit alteram,
Vidisse utranque jure se optimo putet.
R. Thorius.