C. Barlaeo, Fortè viro, Forti convivae.
LArga suos vacuis affudit Muda liquores,
Largior impletis praebuit Ya suos.
Amstelidae saturi multo inter pocula nisu
Cùm, quibus expediat mergier, ambigerent;
Praevaluit cadus, & veteris vis condita Bacchi,
Displicuit Batavis amplior unda meis.
Successit, Seldene, labor contemptus; abhorret
Libero, amat clauso Belga natare mari.