Epitaphium Iacobi Geinii F.
AUfer, viator, nobili pedem busto;
Hìc artis, hìc modestiae penu calcas,
Hì Geinium: qui quid valeret in vivis
Nescîsse mortem mirer? ipse nescivit.
Sin penè scivit ipse, noluit sciri.
Fortasse posteri scient. Sciant porrò
Vel nesciant, tam scire Geinius curat,
Quàm qui, sciens quod credidit, quod hìc scimus
Nescire nos scit, & scientias, artes,
Et omne quo tumemus inscii, fumum,
Et hoc putamen, corpus, & nucem cassam.
Infer viator labili pedem busto;
Non artis aut modestiae penu porrò,
Non Geinium, (fefellimus:) Nihil calcas.