In ejusdem Thamaram, Tragoediam.
COnreus Ammoni mereor quod amando meremur:
Si culpa est Thamaram deperiisse, mea est.
Nec fugio poenam: sed enim se injuria Virgo
Vindicat; huic Frater vim facit, illa mihi.
Illa mihi, illecebrâ nimiùm lenonis Honerdi:
Hoc decus hoc Veneres dante puella capit;
Et capit, & rapit, & rapimur promiscui amantes,
Praedaque tot Venerum turba marita sumus.