Ejusdem.
AVgustus, hospes, hic jacet, Thuanaea
De stirpe (quantâ stirpe!) nobilis proles,
Ne quaere caussam mortis; ipse nescivit.
Quid ipse? mortis autor ipse nescivit.
Tamen scientiâ hic & ille peccarunt:
Scientiâ mali reus, sed exosi,
Et improbati, & improbabilis contra
Reos negantes, subticendo peccavit.
Scientiâ peccavit & boni judex,
Legis bonae, sed, hercules, inhumanae.
Et quâ Thuanum non feras perivisse.
O summè iniqua juris aequitas summi!
Satìs fuisse debuit virum fortem,
Constantem amicum, non suae reum culpae,
Quod non potuît probare, non probavisse.