De Clavicymbalo, cujus praecipuae partes sunt Setae suillae, Pennae corvinae, Fides chalibeae, claves eburneae, & lana ovilla, Gryphus.
MOrtua Sus corvum exanimem docet esse choraedum,
Exanimes Corvi mortua ferra loqui.
Adde manus vivae nervos, saliunt Elephanti;
Intercedat Ovis mortua, cuncta silent.
Fas est Pierides fateantur, Apolline vivo
Mortua sic melius Bruta movere Lyram.