III.
VOcabis, hospes, hoc suburbanam domum,
Villam, Palatium, Casam, Praetorium,
Aulam, vel haram fortè, vel Gurgustium:
Non commovetur, pronus in laudem sies,
An factus ad convicium, Dominus loci.
Quidcunque sit, Clarivium est: quod ut scias,
Cum sylva nesciret loqui, provinciam
Edisserendi scilicet saxo dedit.
Originem Clarivii si non capis,
Origo fontis hujus, & Clarivii est.
Adhuc obhaeres? verte frontem; clariùs
Originem clarissimae dicunt aquae,
Clarique Rivi clara derivatio est.