Schola cordis

Lectio IV. Stimulus Cordis, Christi Flagella. Virga in dorso eius, qui indiget Corde. Prouerb. 10. 13.

Cessat iners, cessant tua cum vigilare flagella, Coge Amor inuitum Cor meliora sequi.

COntremvit Cor meum intra me, & conturbatum est vehementer; dum considero te, mitissime Agne, planè nudum, & columnae crudeliter alligarum, flagellis durissimè caedi, ac laniari. Quis credidissit, Domine, eò vsque progressuram iniquitatem filiorum hominum quos creasti, vt supra dorsum Creatoris sui fabricarent peccatores,Ps. 128. 3. & prolongarent iniquitatem suam? Obstupescite caeli super hoc, & portaeIer. 2. 12. eius desolamini: Angeli pacis flete, & omnes habitatores terrae vlulate; quiaIdem 47. 2 ille, de quo scriptum est: Flagellum non appropinquabit tabernaculo tuo,nunc non vno flagello, sed innumeris cingitur,Ps. 45. 5. pectusq́ue Dei capax, tabernaculum quod sanctificauit Altissimus, impiâ militum manu laceratur. Rabidi illi canes, quiPs. 21. 17 circumdederunt te, mansuetissime Iesu,Iob. 16. 15. conciderunt te vulnere super vulnus, & nullâ commiseratione moti, nullo sanguinePsal. 68. 27. satiati, supra dolorem vulnerum tuorum addiderunt. Sed mirandum magis est, quòd ad hoc spectaculum non commoueantur Corda nostra, quae certissimâPsa. 33. 8 fide credunt, quòd propter scelus populi tui percussus sis, quodq́ue disciplina pacis nostrae super te sit. Dignissimum quidemLuc. 12. 47. est, vt seruus sciens voluntatem Domini, & non faciens, plagis vapulet multis; Ian. 4. 34. sed quòd tu Vnigenite Fili Dei, cuius cibus fit vt faceres voluntatem Domini, & non faciens, plagis vapulet multis;Ioan. 4. 34. sed quòd tu Vnigenite Fili Dei, cuius cibus fuit vt faceres voluntatem Patris, flagellatusPs. 72. 14 fueris totâ die, vt quae non rapuistiPs. 68. 5. exolueres, indignissimum omninò, atque ab omni sensu alienum est. Verùm hoc consilium aeterni Patris tui fuit, vt liuoreIsaiae 53. 5. tuo sanaremur. Omnes enim nos quasi oues erraueramus, vnusquisque in viam suam declinauerat; at Pater misericordiarum posuit in te iniquitatem omnium nostrùm, atque ideò percussus à Deo, & humiliatus, vulneratus es propter iniquitates nostras, attritus propter scelera nostra.

Gratiae tibi, Domine Iesu, qui propter flagitia Cordis nostri, in flagellis paratusPsal. 37. 18. fuisti, & iram Patris tui castigatus mitigasti. Sed iam reuertere ad Cor tuum, ô Anima mea, & vide quid hîc discere debeas, & facere Cordi tuo. Si enim Cor filij habes, non debet respuere flagella, quibus enim Deus tamquam filiis loquitur, dicit: Fili mi noli negligere disciplinamProu 3. 11. Domini, neq; fatigeris dum ab eo argueris; quem enim diligit Dominus castigat, flagellat autem omnem filium quem recipit. FlagellatioHeb. 12. 6. ergo, filij Dei nota est. Ne te ergo sine flagello speres futurum, nisi fortè cogitesAug. in Psal. 31. exheredari: nullus enim filius sine flagello, etiam vnicus Dei Filius licet sine peccato, non tamen sine flagello. Audi porrò, ô Anima mea, loquentem deinceps Apostolum ad Cor tuum, & flagella velut filiorum Dei characterem commendantem ausculta: Tamquam filiis vobisHeb. 12. 7. offert se Deus. Quis enim filius, quem non corripit Pater? Quòd si extra disciplinam estis cuius participes facti sunt omnes, ergo adulteri, & non filij estis. Multiplicentur ergo, Domine, super me flagella, vt hereditatem filiorum tuorum possim accipere,Rom. 8. 29. & conformis fieri imaginis Filij tui, pro me flagellati.

Sed quae vtilitas Cordi meo, quaeveRom. 3. 2 necessitas illud flagellandi? multa per omnem modum. Primùm quidem vt castigatione voluntariâ, Cordis afflictione, peccata per ipsum commissa expientur, atque ita ab aeterno damnationis flagello liberetur. Ideò enim flagella tua peccantibus nobis immittis Domine, vt misericorditer parcas; sic enim de posteris DauidPs. 88. 32. dixisti: Si iustitias meas profanauerint, & mandata mea non custodierint, visitabo in virgâ iniquitates eorum, & in verberibus peccata eorum: misericordiam autem meam non dispergam ab eo, neque nocebo in veritate mea. Clementiae ergo2. Reg. 7. 14. tuae est, Domine, quòd iniqua gerentes arguas in virgâ virorum, & in plagis filiorum hominum. Vae autem iis qui cum hominibusPs. 72. 5. non flagellabuntur, cum daemonibus enim posteà flagellabuntur; tales suntIob. 21. 9 impij illi, de quibus Iob: Domus eorum securae sunt & pacatae, & non est virga Dei super illos; sed qualis virga eos maneat, mox aperit, dicens: Ducunt in bonis dies suos, & in puncto ad inferna descendunt. Corripe me igitur, Domine, in virgâ filiorum hominum, ne in aeternum proiicias me. Deinde Cor hoc meum vecors, tardum, ac pigrum stimulo indiget ac scuticâ,quâ excitetur ad currendam viam mandatorumPs. 118. 32. tuorum. Flagellum equo, & chamus asino, (dixit Sapiens) & virga in dorso imprudentium.Prou. 26. 3. Cor meum, velut equus refractarius restitat, unde flagello & calcaribus eget. Pigrum est instar Asini, nec gressum promouet nisi flagelletur. Stultum est, & viam prudentiae ignorat, nec ingreditur eam, nisi virgâ coactum. Assidva ergo ei, Domine, flagella tua,Eccli. 30. 1. ne in insipientia pereat. Instar trochi est Cor meum, consistere in cono non potest nec moueri, nisi flagris impellatur: tam parum scilicet, Domine, amat te, tam parum currit post te, vt nisi tribulatione & flagellis adigi non possit ad quaerendam faciem tuam; in eorum nempe numero est, de quibus Regius Vates dixit: MultiplicataePs. 15. 4. sunt infirmittes eorum, posteà accelerauerunt. Gratulabor mihi igitur, Domine, in tuis flagellis, quae ad meliora, immò ad te Optimum Cor meum impellunt. Sed quid vltrà boni latet in his flagellis? erudiunt sanè imprudens Cor & Sapientiam ei tribuunt. Stultitia enim colligata est in Corde pueri, & virgaProu. 22. 15. disciplinae fugabit eam, vt inquit Sapiens; qui alibi quoque ait: Virga,Prou. 29. 15. atque correptio tribuit sapientiam. Et:Prou. 23. 2. Virga in dorso eius, qui indiget Corde. Quàm multi insipientes, socordes, immò fine Corde redierunt ad Cor, postquam flagellis Domini afflicti sunt, TestisIerem. 31. 18. Ephraim transmigrans, & dicens: Castigasti me, & eruditus sum, quasi iuuenculusEccli. 23. 2 indomitus. Quis igitur superponet in cogitatu meo flagella, & in Corde meo doctrinam sapientiae, ne increscant ignorantiae meae, & multiplicentur delicta mea, & peccata mea abundent? DomineEccli. 23. 1. Pater, & Dominator vitae meae, per Vnigenitum Filium tuum pro me flagellatum,Missale Roman. te humiliter rogo, vt flagella tuae iracundiae, quae pro peccatis meis mereor, auertas: & pro iis flagella aduersitatis de paternâ tuâ manu patienter suscipiam; vt iis eruditus, discam sicut Filius tuus ambulauit, & ipse ambulare; & adoptionem filiorum Dei merear recipere.

SEPIMENTVM CORDIS CORONA SPINEA.

Sepiam uiam tuam spinis. Osea. 2. 6.

Ne careat tua spina rosis, COR concolor armet, Horto arcet stygias, seps diadema feras. 44.