Schola cordis

Lectio XIV. Azylum Cordis in Latere Vulnerato. Esto quasi Columba nidificans in summo ore foraminis. Ierem. 48. 28.

Fas Lateris thalamo latitare, & amoris azylo, Et Cor cum Domini iungere Corde mei.

AD te Domine lauaui AnimamPs. 24. 1. meam, & clamaui per singulos dies: Esto mihiPs. 30. 3. in Deum protectorem, & in domum refugij, vt saluum me facias. Set vt video te in Cruce extensum, ibi Domine refugium factusPs. 89. 1. es nobis. In vulnere enim transfixi Lateris tui apertum est ostium, per quod introire possimus in ciuitatem refugij: ibi, ôPs. 83. 4. Domine, passer inuenit sibi domum, & turtur nidum sibi, vbi ponat pullos suos. Nec tantùm ad hoc azylum & propugnaculum Lateris tui nos admittere dignaris; sed suauissimè etiam inuitas,Cant. 2. 13. dicens: Surge amica mea, speciosa mea,& veni: columba mea in foraminibus petrae, in cauerna maceriae. Et per Prophetam:Ier. 48. 28. Relinquite ciuitates, & habitate in petra, habitatores Moab; & estote quasi columba nidificans in summo ore foraminis.Ps. 118. 103. Quàm dulce hoc faucibus meis eloquium tuum, Domine? Hactenus enim gemens in valle lacrymarum, in loco quem posuisti,Ps. 83. 6. ascensiones in Corde disponebam, & dicebam:Ps. 54. 7. Quis dabit mihi pennas sicut columbae, & volabo & requiescam? Nunc autem,Cant. 2. 13. ô optatissima requies mea, tu dicis: Veni columba mea in foraminibus petrae, inIer. 48. 28. cauerna maceriae; & esto quasi columba nidificans in summo ore foraminis. Et quaenamGregor. in Cant. haec foramina petrae, nisi Vulnera manuum & pedum, Domine Et quaenam cauernaBernard Sterm. 61. in Cant. Ps. 103. 28. maceriae, nisi Vulnus lateris, quod lanceâ factum est. Quàm tuta firmaq́ue infirmis securitas & requies in vulneribus Saluatoris? Petra refugium herinaciis, petra autem est Christus; in petra se columba1. Cor. 10. 4. tutatur, & circum voliantem intrepida intuetur Accipitrem: fremit mundus, fremit corpus, diabolus infidiatur, nonMatt. 7. 24. cado, fundatus enim sum supra firmam Petram. Eia igitur, Anima mea, si de adolescentularum adhuc numero es, quae vagaequeris vestigia sodalium tuorum, & peccatorumCant. 1. 6. aculeis instar herinacij etiamnum horres; pone refugium tuum in hac petra. Si incipientium concubinarum consortiumProuerb. 30. 26. adepta es, esto quasi lepusculus, plebs inualida, qui in petra ponit cubile suum. Si Reginarum, proficientium statum attigisti;Iob. 39. 28. velut aquila, in arduis pone nidum tuum, mane in petra hac. Si verò iam miserentis Sponsi dignatione, ad vnicae columbae dignitatem euecta es, nidifica inIerem. 48. 28. summo ore foraminis, occupa cauernam maceriae. Hîc enim fuges mel de petra,Deuter. 32. 11. oleumq́ue de saxo durissimo. Ingredere, ingredere Anima mea in petram, ibiq́ueIsaiae. 2. 10. abscondere, nusquam enim extra eam requiem inuenies, nusquam tibi meliùs erit. Felix es tu, ô Sancte Ioannes, cuiBreuiar. Roman. priuilegio amoris praecipui consessum est supra pectus Domini in coena recumbere, & fluenta Euangelij de sacro Dominici pectoris fonte largiùs potare: hinc scilicet altiùs ceteris intonas, & Verbum, quodIoan. 1. 1. erat in principio apud Deum, mundo eructas! Felis, ô lancea Longini, cui sacrumIoan. 19. 34. Latus aperire, & Domini Sanguinem haurire licuit! Inuideo rigido frigidoq́ue huic ferro tanti honoris praerogtiuam. Vtinam, vtinam Amor, ingeniosusFaber, Cor hoc in lanceam recudat, Dominicum Latus subituram. An non enim natura trigonum Cor effecit, & in morem triformis cuspidis exacuit? Hoc igitur hastae impositum, currat in pectus Domini, & amoris vulnere Dilectum sauciet. Liceat tantum, Amor meus crucifixe, non facilè semel admissum Cor meum intra dulcissima amoris limina, inde egredietur; non vt militis illius lancea facto vulnere redibit, sed perpetuò immorari, immoriq́ue volet purpureo huic amoris thalamo, roseoq́ue Sponsi sui lectulo. Ioan. 20. 27.Fortvnate nimiùm Thoma, qui inuitatus à Domino, manum in Vulnus hoc sacrati pectoris immisisti. Sed & tibi licet, ô Anima mea! aperuit enim Linginus ostium, per quod ingredi possis. Accede ergo ad Deum Cordis tui, ad Cor Dei tui, in quo tabernaculum tibi figas, domiciliumq́; constituas. Iunge hîc Cor tuum Cordi amoris tui, non digitum, non manum; sed Cor iaculare in patentem hunc Dilecti tui thalamum. En patet fenestra inGen. 8. 6 latere Arcae salutiferae, frustrà cum coruo vagaris, frustrà circa cadauera mundi moraris: Ingredere ad Noë in Arcam, vt saluerisPsalm. 131. 14. in diluuio aquarum multarum. Et dic: Haec requies mea in saeculum saeculi:hîc habitabo, quoniam elegi eam. Habitabat ibi Beatus Elzearius Ariani comes, ad quem diutiùs absentem cùm famulum vxor misisset; respondit per litteras: Sanus corpore sum & sospes; quòd si verò videreSurius in eius vita 27. Septemb. ca. 30. me cupis, quaere in vulnere Lateris Christi; ibi habito, ibi poteris me inuenire, frustrà alibi quaesitura. Hoc quoque deinceps erit habitaculum Cordi meo: per hoc ostium si introiero, pascua inueniam, panemq́; inIoan. 10. 9. fornace amoris mei coctum. Hîc cella vinaria musto malorum granatorum redundant:Cant. 8. 2 hîc apotheca medicamentorum salutarium, omnem curans languorem, omnem sanans infirmitatem. Vulnus hoc, mi Domine, est refrigerium & leuamenMatth. 9. 35. omnium afflictorum, ciuitas refugij omnium fugientium à facie irae Dei, ad misericordiae tuae asylum; porta aurea, ante quamActor. 3. 2. sedentes mendici peccatores, expectant eleemosynam multiplicis misericordiae Dei. Hoc vulnus ostium lateris Templi, & porta orientalis, praeter quam non est aditusEzech: 48. 10. ad vitam aeternam, neque ianua alia, per quam intret quis, vt stare possit coram Deo. Ad hanc Portam, ad hoc Templum, adRupert. in cap. 16. lib. 3. Reg. haec Sancta Sanctorum, ad hanc Arcam Testamenti adorabo, & nomèn Domini iugiter laudabo. Quàm bonum & iucundum,Bernard. Ser. 20. de Passione Domini.in hoc Corde habitare? Bonus Thesaurus, bona Margarita, Cor tuum, bone Iesu, quam effosso agro tui Corporis inuenimus. Quis hanc Margaritam abiiciat? Quin potiùs dabo omnia, omnes cogitationes & affectus mentis commutabo, & comparaboPsal. 54. 23. illam mihi, iactans omnem cogitatum in Cor Domini Iesu, & sine fallacia illud me enutriet. Eia igitur, vt cum mellifluo Bernardo tuo dicam, Bernard. in Rythmis.Salue Latus Saluatoris, In quo latet mel decoris, In quo patet vis amoris, Ex quo scatet fons cruoris, Qui Corda lauat sordida. Ecce tibi appropinquo, Parce Iesu, si delinquo: Verecundâ quidem fronte, Ad te tamen veni sponte, Scrutari tua Vulnera. Salue mitis apertura, De qua manat vena pura; Porta patens & profunda, Super rosam rubicunda, Medela salutifera. Plaga rubens aperire, Fac Cor meum te sentire, Sine me in te transire, Vellem totus introire,

Pulsanti pande pauperi. In hac fossa me reconde, Infer Cor meum profundè , Vbi latens incalescat, Et in pace conquiescat, Nec prorsus quemquam timeat.

SPECVLVM CORDIS IN QVINQVE VVLNERIBVS. SPECVLVM CORDIS IN QVINQVE VVLNERIBVS.

Inspice et fac secundum Exemplar quod tibi in monte monstratum est. Exod. 25. 40.

Pro speculo CORDIS, COR aspice dulcis Jesu. Imprimet hoc CORDI, vulnera viua, tuo. 54.