Amor, se li ochi mei più non sun degni,
come solevan, de mirar colei
e se sun biastemati e' spassi mei,
prego che in tanto eror più non me tegni.
Fa' che me rendi el cor e li altri pegni,
ché senza fede viver non saprei.
Non fur li antiqui mei turchi o iudei
ma di candida fede carchi e pregni.
Poi me getta tempesta cum ultragio,
et aspri vènti ne li accerbi scoglii,
et adirato è Dio contra de nui,
come Paulo, al deserto me ritragio,
pregando vui, Signor, che 'l cor se spoglii
de' mondani pensier' s'el piace a vui.