Prince.
O Prins! ô vredich Godt! door dynen geest wijs vroedich
Buycht onse herten trots, treckt ons tot boet ootmoedich,
So sal ons twist geschil, het welck groot is int schijn,
Snel ijlich zijn geslist. de gulde eendracht spoedigh
sal snel vertonen haer Godinnelijck aenschijn.
O onverwinlijck volck! en stoppet doch u ooren
voor sulcke Leeraers die hier met spitsvondigheyt
van hoge wetenschap 'tgoet zaet in u versmoren,
Verwerpt 'tdiep ondersoeck, naer u heyl steets arbeyt,
V heyl bestaet in daet, en niet in het veel weten,
Het goet vereent met Godt, maer t'quade (ach! ô wee!)
dat trecket ons van Godt tot twist en dwaes vermeten.
Dus baert onvrede vree, en vrede vveer onvree.
In reyn gheneucht.