C Na de wijse: Een Ridder ende een maechdeken ionck. VVilt ghy wesen een oorloochs man Een Camper, een Ridder des Heeren
Ese. 9, 4. Apo. 7, 3.Laet v teeckenen, doet wapen an Strijden en vechten moet ghy leeren. eph. 6, 12 Want wy en hebben hier gheenen strijt Teghen ons vleesch en bloet alleene Teghens de hoocheyt des werelts wijt Moeten wy vechten int ghemeene. Teghen Keyser, Coninck, Vorsten groot Al die de duysterheyt regieren Moeten wy campen tot in de doot Oprechten vroom, Christus banieren. De schalcheyt veel ergher dan fenijn Eph. 6, 12Der gheesten die in de locht wercken Moeten wy oock beuechtende zijn Haer loosheyt en bedroch aenmercken. mat. 24, 24 2. Tes. 2, 9 Apo. 13, 13 ende 16, 14. Sy connen teeckens en wonder doen En door een schijn der waerheyt lieghen Die haer niet vast aen Christum en hoen Die sullen sy alle bedrieghen. Dus laet ons hopen met goet verdrach Verlatende ons quaey manieren Op dat ons Godt inden quaden dach Door zijnen Gheest, mach wel bestieren. Sap. 1, 4 In een lichaem der sonden subiect Woont niet Gods Gheest vry van gheschille Noch in gheen siele hy in en trect Onghehoorsaem en quaet van wille. Maer die Christum soecken vroech en spa Om dienen sonder te cesseren Sal hy ontfanghen en vryen van scha In dien sy hem niet en tempteren. Aendoen sal hy haer zijn wapen sterck Daermede hijt al heeft verwonnen Ende moet gheuen, want tis zijn werck Victorie sal hy haer ionnen. Eph. 6, 14 Dus staet weest vroom in al v gheuecht Omgort v lenden metter waerheyt Doet aen dat pantsier goet en oprecht De gherechticheyt sonder swaerheyt. Eph. 6, 15 Weest gheschoeyt aen uwe voeten wel
Met Deuangelium des vreden Om te loopen als een bode snel Bootschappen Gods ghenadicheden. Eph. 6, 16 Neemt aen tghelooue tot eenen Schilt Teghen den Duyuel onmanierich Waer me gheblust worden en ghestilt Alle zijn scherpe pijlen vierich. Eph. 6, 17 Den Helm der salicheyt wilt noch voort Cloeckelijck op v hooft oock stellen Grijpt dat sweert des geests, dwelc is Gods woort Om v vianden me te vellen. Draecht Christus teecken dat roode cruys Treckt willich wt met hem te velde Lijt smaet, druc, noot, angst, doot met confuys mat. 11, 12.Neemt so zijn Rijck in met ghewelde. heb. 12, 1. Wilt loopen cloeck met verduldicheyt Lijdtsaem sonder eenich verlanghen Inden strijt die v Godt voren leyt eccli. 40, 4.Danct, loeft, prijst hem met blijde sanghen. eph. 6, 18 Wilt roepen, smeecken, bidt in den gheest En hout goey waecke tallen stonden Vlucht niet om druck, lijden oft tempeest Een oprecht Ridder wert ghy vonden. heb. 10, 38 Want die wt dit strijden wijcken al Die en sullen Godt niet behaghen mat. 10, 22Maer die volstandelijck vechten sal Tot in de doot, sonder versaghen. apo. 7, 17. ende 21, 4. Afwasschen salmen zijn tranen swaer Sijn lijden dat wert al ghenesen 4. es. 2, 39 Apo. 3, 4. ende 19, 8.Blinckende cleederen wit en claer Sal hy aendoen en blijde wesen. sap. 5, 17 4. es. 2, 43 1. Ti. 4, 8. 1. pet. 5, 4 Jaco. 1, 12. Apo. 2, 10 Een Croone met grooter melodie Sal Christus op zijn hooft oock gheuen Dat wert zijnen loon, en zijn soudie Hier bouen in dat eeuwich leuen.
Cookies on Poetry Cove