C Na de wijse: Waect op ghy Christen alle, waect op tis meer den tijt. O Heer van grooter crachten V claech ick mijnen noot Want sy my seer verachten Om uwe woorden bloot En dat ick na wil treden V paden onbeureest Verlaten mijn quade zeden
Daer ick in ben gheweest. Te recht so ist beschreuen esa. 59, 15. 2. Ti. 3, 12.Die laten wil dat quaet En Godts woort wil beleuen Die moet hier zijn ghehaet Maer als ick plach te volghen De werelt seer verblint Ende leefde gantsch verbolghen Doen was ick seer bemint. Mijn vleesch ick wel stoffeerde Al wattet heeft begheert Den Duyuel ick logeerde Hy was by my gheeert Sijn kint was ick ghepresen Sijn Gheest wast die my dreef Al wat zijn wil mocht wesen Hy my int herte schreef. Apo. 13, 1. Dat Beest met seuen hoofden Heb ick ghebeden aen Sijn lueghens ick gheloofden Want hijt my de verstaen Door zijne leer ghemeene Was ick van hem ghebaert En oock na anders gheene En was ick oock gheaert. Mat. 7, 15 Aen mijn vrucht mochtmen mercken Van wien ick was gheteelt Want na zijn eyghen wercken Had hy my afghebeelt Ick was wilt, en onzedich Opgheblasen ende quaet Seer valsch en oock meynedich Het was des Duyuels raet. Ick had tot een voorbeelde Baals dienaers tot een hooft Dan. 12, 4Sijn rijcke hy wt deelde Aen die aen hem ghelooft Maer die hem wederstonden Met Godes woorden vroom
En van Godt zijn ghesonden apo. 21, 20Na dien schoot hy zijn stroom. Als ick nu dat bekende Dat ick so lach versmacht En was in groot ellende So heb ick eens ghedacht Esa. 52, 11 2. cor. 6, 17 apo. 18, 4.Ick wil gaen wt het midden Van mijn quaet regement Den Heer wil ick gaen bidden Dat hy my gracy sent. Den Heer heb ick ghebeden Op een gheleghen tijt Sijn gracy hy my dede Ghenade oock met vlijt Dat quaet dat wildick laten En doen dat goet altoos Mic. 7, 6. mat. 10, 21Mijn vrienden my dan haten En alle menschen boos. De menschen my verstoorden My was seer dickwils bang Maer de Heer my verhoorde En sterckte mijnen gang Lieuer wil ick hier in trueren Dacht ick met blijden moet mat. 25, 42Dan daert eeuwich sal dueren Al inden Helschen gloet. mat. 6, 24 Luc. 16, 13 Niemant en mach twee Heeren Dienen op gheen termijn Den eenen sal hy eeren Dander hatende zijn Colo. 3, 5.Dat vleesch dat moet ghy steruen Wilt ghy hier na Godts Rijck Tot een vruechde beeruen Met Godts kinders ghelijck. Ro. 13, 11. eph. 5, 14. 1. Tes. 5, 6. Nu laet ons toch ontslapen Van sonden nu terstont Worden des Heeren knapen mt. 25, 16Te woecker stelt het pont En wiltet niet begrauen
Inden vleeschelijcken aert Godts ghenadighe gauen Laet van v zijn verclaert. En ist dat ghy v leden Ro. 6, 19.Tot boosheyt hebt ghewent In ongherechticheden Ba. 4, 24So ghy nu dat bekent So wilt die nu begheuen Tot Godes dienst eerbaer Godts woort dat wilt aentcleuen psa. 18, 31 ende 119, 140 Pro. 30, 5Dat louter is en claer. Ghy Broeders inden Heere Ro. 8, 15Ghy die daer hebt Godts Gheest Laet ons van herten seere Godt bidden aldermeest Voor die de waerheyt soecken Dat hy haer gheeft verstant En oock dat hy den cloecken Bewaert in zijnder hant.
Cookies on Poetry Cove