C Na de wijse: Ick arm schaep aen de groen heyde. VVy die nu zijn in banden Int Babyloonsche lant Laet ons niet comen tot schanden O Heer doet ons bystant Phil. 2, 13.Ghy diet in ons hebt begonnen Heer ons behoet // voort quaet gebroet So en worden wy niet verslonnen.
De strijdt is aengheheuen Ouer Godts volck seer snel Want sy werden verdreuen Van tgheslacht Jesabel Gene. 3, 5.De Slang die Euam verleyde Is rechteuoort // so seer verstoort Laet v van Godt niet scheyden. Apo. 12, 9 Dat Beest dat soeckt te rijten Dat nieu gheboren zaet Gen. 3, 15.Sy mach maer achter bijten Daerom is sy dus quaet En roept met groot onurede Maer dat Lams bloet // weest dit wel vroet Sal haer den cop vertreden. Apo. 17, 2. ende 18, 3. Wie met tBeest wil hoereren Met touerspelich wijf En hout Antechrist leeren Die is met haer een lijf Die wt haren beker drincken apo. 19, 20 ende 20, 10.Al inden poel // met haren Boel Moeten sy noch versincken. Siet, hoe wert nu vertreden De vrome heylighe stadt Hier en in ander steden Die dEnghel met de mate mat Godt salse wel oprechten Eph. 6, 17Met tsweert des Gheests // teghen dat Beest Wilt cloeckelijcken vechten. Die v tLiedt heeft ghesonden Heyndrick was hy ghenaemt Sijn vianden om hem stonden Die hadden hem gheern beschaemt Hy was inder Leeuwen tanden Hy meynt by Gods woort // te blijuen voort Al souden sy hem verbranden. Eynde deses Liedeboecks, van CCC. ende xxj. Liedekens.
Cookies on Poetry Cove