C Na de wijse: Il me suffit de tous mes maulx. psa. 14, 10 ende 112, 1. ende 128, 1. Eccli. 1, 19 ende 34, 17.VVel salich is hy die God vreest En daer toe oock sonder swijcken Hout zijn Gheboden minst en meest
En daer by blijft sonder afwijcken Want hy sal eten, zijnder handen werck En allesins vrolijck wesen Vroom sal hy oock wesen en sterck
En God louen, hooghe gepresen. psa. 128, 3. Sijn huysvrouwe met oueruloet Sal den wijnstock wel zijn gheleken Die vruchten brengt voort metter spoet
Tot haren tijt schoon onbesweken Noch bouen dien, sal hy wesen certeyn Int ronde zijns huys vercoren Als een chieraet, lustich en reyn
Dit iont hem God, tot zijn orboren. Sijn kinders oock ghebenedijt Als nieuwe olijfboomen iuechdich Sullen oock staen, ter seluer tijt
Int ronde zijnder tafelen vruechdich Sulck ghebenedijden sal ontfaen Van God de Heer goedertierich Die hem vreest, sonder wederstaen
En hem bemint, met herten vierich. Psa. 128, 5 God wil ons oock al door zijn cracht Die in Sion woonen waerachtich Ghebenedijen dach ende nacht
Met gheestelijcke gauen machtich Want zijn natuer is oprecht en goet Dies hy eeuwich sonder cesseren Jerusalem weldaden doet
Dus laet ons in hem iubileren.
Cookies on Poetry Cove