C Na de wijse: Ick hoor de basuyne blasen. SIet, smaect en wilt Gods cracht beseffen Gene. 1, 26 ende 5, 1. Sap. 2, 23 Eccli. 17, 9Die nae zijn Beelt gheschapen zijt luc. 21, 26Wilt v swaermoedich hooft opheffen Waeckt op, want tis nu meer dan tijt En hoort toe alle gader Nae een blijde maer playsant Die God de Hemelsche Vader Door Christum ons eenich Berader Van bouen heeft neder ghesant Hier in dit aertsche lant. Ghy ouden Adam, ghy moet steruen Verloren hebt ghy v eerste Rijck V ouertreden dede v dat verweruen Ghy zijt aertsch, al vander aerden slijck De nieuwe Adam is ghecomen 1. co. 15, 47Hemelsch, de Heere selfs, dit ghelooft Den ouden Adam heeft hy benomen Sijn cracht, ende als den vromen Vertreden der Slanghen hooft En al haer macht berooft. 1. pet. 3, 20 De ware Noah is comen bouwen Sijn Arcke, den inganck en is niet wijt Treckt tot hem met een vast betrouwen Ghy wert van alle druck en noot beurijt Ghy moet treden sonder sneuen In dees Arcke, wilt ghy ontgaen De straf, want daer en is ghegheuen Gheen Salicheyt, dan die met Noe leuen In de Arcke, nae Petrus vermaen Wilt dit voorbeelt wel verstaen
Den waren Isaac ghepresen mat. 27, 34Is ghecomen, zijn Offer heeft hy ghedaen Verworpen is Esaus rouwe wesen Jacob die heeft den seghen ontfaen Van Silo is ghecomen, wilt hooren De Hertoghe, soot was vermelt Juda heeft zijnen Scepter verloren Ontwaeckt en merckt ghy wtuercoren Den dach is nu bestelt Die een yeghelijcke ghelt. O Israel en leeft niet meer so banghe Joan. 6, 51Versadighet v met dat Hemels broot ioan. 3, 14.Siet aen de metalen Slanghe Sy heelt v vanden bete der doot Wilt oock vanden water drincken 1. cor. 10, 4Dwelck springt wt Christo den steen Aenschout sonder vermincken De Druyue die v Godt wil schincken Sy coemt wt tbeloefde Lant reen Costelijcker vintmen gheen. Israel wilt met neersticheyt treden 4. esd. 7, 7 Mat. 7, 13 Luc. 13, 22Door de enghe poorte int beloefde Lant Daer toe stercke ons de heb. 13, 20 Godt des vreden En leyde ons met zijne stercke hant Roept voor Jericho sonder trueren Dwelck Babilon is bekant Haer macht die sal heel schueren Vallen sullen oock haer mueren Quaet is haer fondament Haest so sal comen haer ent. De ghesalfde Coninck ende Heere Is ghecomen, Saul heeft verloren zijn croon Goliath is berooft van zijn eere Met zijn selfs sweert gaf Dauid hem zijnen loon De Philisteen moeten wijcken Wt dat beloefde Lant fijn Apo. 7, 14Des Lams macht sal niet beswijcken Verwinnen salt alle Rijcken En verlossen wt alle ghepijn
Die in hem gheloouende zijn.
Cookies on Poetry Cove