C Na de wijse: Salich is de man en goet gheheeten. GHy Heeren Rechters, inde landen Siet doch wel voor v, wat ghy doet Die met mat. 27, 24 mar. 15, 15 Luc. 23, 23 Joan. 19, 16 Pilato meynt dwaert v handen Met een cranck, Gen. 3, 7 vijgheblaeyken claerlijck Bedeckt ghy v Tyrannisch ghelaet En segt, wy en rechten v niet waerlijck Maer des Keysers gheboden Placcaet. Skeysers placcaet, wilt doch eens brengen By tEuangelium Christi reen Aenmerckende in allen dinghen
Hoe na dat sy comen ouer een. Ghy vervolgers, die draecht Christus name En metten Keyser v excuseert Stelt Christum, en Keyser te same Merckt hoe elcx gheest, en werck accordeert. Vint ghy dat sKeysers gheest int leuen Iet bouen Christus leeringhe soect So is hy gheen Christen beseuen Ende zijn placcaet is oock Gala. 1, 9. vervloect. Tis claghelijck, so wy beseffen Datmen hier den eertschen Keyser meest Bouen Christum, dus siet verheffen Ende zijn mandaet, meer dan Godt vreest. Och dat de Keyser, en zijn ghenoten Waren oprechte Christenen fijn Tonschuldich bloet, als water vergoten Soude wel anders verschoonet zijn. Weet doch ghy Heeren al ghelijcke Als ghy doot, vant Luc. 12, 32 cleyn hoopken expeert Dat ghy eph. 5, 32 int vleesch Christi publijcke Steeckt v Tyrannisch bloedighe sweert. Want sy zijn door des Gheests vereente Sijn Jaco. 1, 18 kinderen door Godts woort ghebaert Vleesch eph. 5, 32 en been van Christus ghebeente Van een natuere en eenen aert. mat. 12, 50 mar. 3, 35. Luc. 8, 21. Broeders en susters Christi vercoren Sijt van Joan. 3, 3. bouen gheestelijck ghesint Wt ghelijcken Vader gheboren Door Christum, daerom van hem bemint. O ghy bloetstorters menichfuldich Opent doch v ooghen heel verblent Die v lieden begheert als onbeschuldich Te decken, met sKeysers mandament. Waer hebt ghijt in de Schrift ghelesen Datmen yemant om tgheloofs gheschal Ten bloede mach straffende wesen Ende metten sweerde rechten sal. Wer hebben dApostelen reyne Oyt sulcx gheleert oft sulcx ghedaen
Sal niet de saeck des gheests alleyne Het gherechte des gheests ontfaen? Belijt de waerheyt op alle bede Den Keyser en ghy in een accoort Waerom stelt ghy v in 2. tes. 2, 4. Gods stede Ende recht dat v niet toebehoort. Denct ghy niet om exo. 14, 28 Pharaos beswaren 2. Mac. 9 5,*.Antiochus en act. 12, 23 Herodes met En hoe meer ander zijn gheuaren Die haer teghen Godt hebben gheset. Mannen des bloets tyrannich int wreken Bekent dat niet den Keyser verdooft Het hooft Christi mach zijn ghebleken Maer dat Christus is des Keysers hooft. Dat niet den Keyser Christum punieren Maer dat Christus de hoochste gheacht Den Keyser, en elck sal ingieren Als ouer allen hebbende macht. O weerde mannen, Esai. 1, 15. van handen bloedich Die int daertsche stof gheboren, leeft Hoe moecht ghy wesen so stoutmoedich Teghen hem, daert alle vooren, beeft. Vreest hem doch die Psa. 18, 8. Nahu. 1,* berghen en dalen Hemel en aerde heeft in zijn hant Die zijn psa. 18, 14 blixemen als vierstralen Ende wint wtblaest aen elcken cant. Als hy v daecht, moet ghy compareren Gheen onschult v van baten en can Denckt hierom O wijse Heeren mt. 16, 27 Rom. 2, 6 ende 14, 12. 1. Cor. 3, 8 2. cor. 5, 10 Gala. 6, 7. apo. 22, 12.Rekenschap moet ghy doch gheuen dan. Siet doch wel toe, hout goede wake Op dat tonschuldich bloet hier by 4. es. 15, 8 apo. 6, 10.Twelck roept inden Hemel wrake In v niet meer beuonden en sy.
Cookies on Poetry Cove