C Na de wijse: Van Adelken ende Alewijn. psa. 33, 3. ende 96, 1. ende 98, 1. Esa. 42, 10 iudit. 16, 2SIngt den Heere een nieuwe liet Want groote dingen zijn door hem geschiet Vanden beginne der tijden Dat moet nu Israel belijden. Och Heer Godt inder eewicheyt Sap. 14, 3Ghi hout door uwe voorsienicheyt Alle dinghen te gader Heere Godt Hemelsche Vader. Gene. 1, 1. Psa. 33, 6. Godt die schiep door zijn groot ghemerck De Hemelen ende der werelt perck Gen. 2, 7Den mensche vanden slijm der velde sap. 2, 23Gode tot eenen beelde. Gen. 2, 8 Hy heeft hem inden Paradijse ghestelt eccli. 15, 19 ende 17, 11.Daer heeft hy Adam zijnen wille vertelt Dat hy hem seluen soude bouwen Tot een ghelooue, en vast betrouwen. De viant hadde dat haest verstaen Gen. 3, 4.Door een Serpent, sprac hy de vrouwe aen Ja waerom heeft v Godt verboden
Siet ghy sout wesen als goden. So haest als Adam dat verstont Heeft hy ontfanghen inder herten gront 4. es. 4, 30Van des viants boosen zade Gen. 6, 5 ende 8, 21.Gheneghen zijnde totten quade. mt. 13, 27 Heer hadt ghy niet goet saet ghesaeyt? In uwen Acker daer ghy op maeyt Hoe heeft hy dat oncruyt ghecreghen? De viant heeft dat daer in ghedreghen. Gen. 3, 8. Maer als de dach coel worden was De stemme des Heeren is op dat pas Inden Lusthof verschenen Adam waer zijt ghy nu henen? Gen. 3, 10. Och Heer sprack Adam seer beschaemt Ic vreesde v stemme, als ghy tot my quaemt Want ick ben naeckt in grooter sorghen Daerom heb ick my verborghen. Gen. 3, 11. Adam wie heeft v dat gheseyt Dat ghy naeckt zijt en onghecleyt? Dan dat ghy vanden boom hebt gheten Daer ick v van hadde laten weten. Gen. 3, 12. Heere dat wijf die ghy my gaeft Brack vanden vruchten onuersaeft Ick hebt van haerder hant ghenomen Door haer ben ick hier toe ghecomen. Gen. 3, 13. Doen sprack de Heere tot Eua saen Waeromme hebt ghy dat ghedaen Heer, het Serpent heeft my bedroghen En ick hebt gheten door zijn loghen. Gen. 3, 14 O ghy Serpent vol haet en nijt Daerom so suldy zijn vermaledijt Op uwen buyck so sult ghy cruypen En lancx der Aerden henen sluypen. Gen. 3, 15. Ick sal setten, hoort mijnen raet Een viantschap tusschen v zaet Ende den zade vanden wijue Col. 2, 15.Dat tselue v hooft in stucken wrijue. Aldus quam Adam inden doot Maer Godts Belofte was daer tegen groot
Die hem tghelooue heeft ghegheuen Dat hy hier na noch soude leuen. Gen. 3, 21. Godt de haer cleederen van vellen aen En lietse wten Paradijse gaen psa. 126, 5Sy ginghen henen haerder banen Daer saeyden sy haer saet in tranen. Gene. 4, 1 Adam die heeft ghegenereert Hem seluen altijt gheconfirmeert Tot Godt in alle zijn ghedachte Dit leerde hy oock zijn gheslachte. Maer dat Serpent was met nijt beuaen Ende heeft weder eenen strijt begaen Want door den gheest van eyghen bate Gen. 4, 8.Sloech Cain Abel doot in hate. gen. 4, 17 Cains gheslachte wort seer vermeert En metter herten heel van Godt ghekeert Tot allen wereltlijcken dinghen Die haer herte voort mocht bringhen. Doen wort de boosheyt oueruloedich groot Ende de waerheyt was in grooter noot Want de oprechte worden swanghe Al met den zade vander Slanghe. Doen wort de Heer seer toornich en gram Gen. 6, 2.Om dat Gods volc hem seluen wijuen nam Wt den stamme van Cains nacij Dat was der Slanghen generacij. Doen sprack de Heere, een rechter fijn Gen. 6, 3.Mijnen Gheest sal niet altijt rechter zijn Ouer den gheest van smenschen kinde Want ickse vleeschelijck beuinde. Gen. 6, 9. Maer Noe was een rechtueerdich man Daeromme was hy oock weerdich dan Ende men vant tot dier stonde Maer acht gherechtighe van gronde. Gen. 7, 17 Daerom sant Godt een water saen Op dat alle vleesch soude ondergaen Ende als sy alle vrolijck waren Doen quam daer een so groot beswaren. Gen. *. Maer als Godts volck nu weder wies
En dat Serpent daer weder inne blies 4. es. 3, 12.Sy maecktent argher dan te voren ge. 19, 24.Doen sy verginghen door Gods toren. Sy waren wilt en onghetemt En van de kennisse Gods veruremt Met grooten ongheloof beladen Sap. 13, 2Ja dat sy oock dat vier aenbaden. gen. 12, *. 4. es. 3, 13. Daer na vercoos God wt Hebers stam Eenen met name, dats Abraham Desen heeft Godt ghetrou gheuonden Als al de werelt was vol sonden. Gen. 12, 1. Acto. 7, 3. Godt hiet hem wt zijnen lande gaen En Abraham die was Godt onderdaen Hy heeft zijn Vaderlant verlaten En reysde henen vreemde straten. Gen. 15, 5. Ro. 4, 18. Daerom heeft hem Godt toegheseyt En zijnen zade inder eeuwicheyt Voorwaer ick sal v zaet vermeeren Sprack Godt de Heere der heeren. Gen. 15, 13 Acto. 7, 6 V zaet dat sal een vreemdelinck zijn In vreemde landen eenen termijn Ontrent vierhondert iaren Daer sullen zijt met dienst beswaren. gen. 46, 1. Act. 7, 15. Abrahams zaet quam in Egypten siet exo. 1, 13.Ende daer leet Israel groot verdriet Door Pharao en zijnen rade Die waren vander Slanghen zade. Exo. 2, 24. Israel suchte om onderstant Tot Godt die haer eenen Hulper sant Die leyde Israel daer vuyte Maer Pharao hielt voor een cluyte. exo. 14, 22 God leyde Israel door troode Meyr En Pharao volchde oock met zijn heyr Israel ginck daer door onschadelijck Maer Pharao verdranck onghenadelijck. Loeft den Heere Abrahams zaet Want hy verwonnen heeft der slanghen raet De Heere is Godt, hy moet regneren O Heer v woort sal triumpheren.
Hy leydese door de woestijne wilt Exo. 16, 3 ende 17, 3.En daer worde Israel onghestilt Sy wilden Godt den Heere temteren Maer Godt verdroech haer murmureren. psa. 144, 3. Och Heer wat is toch Adams kint Dat ghy hem so van heelder herten mint Ghy hebt hem heerlijcheyt ghegheuen Bouen al v wercken verheuen. Ghy hebt v volc O Heere, dwelck v prijst exo. 16, 14 Deut. 8, 3. 2. es. 9, 20. psa. 78, 24 ende 105, 40 sap. 16, 20. 4. es. 1, 20.Met der Enghelen broode ghespijst Dies songhen sy van uwer fame O Heere hoe groot is uwen Name? Maer als sy quamen int beloefde Lant En Israel daer rust en vrede vant iud. 2, 19. ende 3, 7. ende 4, 1.Sy hebben Godt den Heere vergheten Noch en hoorden niet zijn Propheten. Godt sant tot haer so menich knecht Maer Israel dochte, hy had al recht ier. 18, 18Wy moghen in de Wet niet dolen Gods woort is toch by ons verholen. Maer als den tijt ten eynde quam Mat. 1, 1. Rom. 1, 3.Stont op in Israel wt Dauids stam Een Vorst om Sathan te bestormen 1. Ti. 3, 15Ja Godt in menschelijcker formen. Als Christus quam in Israel Tgheslachte Leui dat viel hem so fel mat. 27, 34 mar. 15, 37 luc. 23, 46 Joan. 19, 30Sy dooden Christum met tormente Dat dede tzaet vanden Serpente. mt. 21, 43 Daerom nam God van haer dat Rijck En maectese een verworpen stadt ghelijck En coos wt der Heydenen stamme Door tgheloof, een zaet van Abrahamme. Die wedergheborene is Abrahams zaet Die door tgheloof na deeuwich leuen staet Hen seluen van deser werelt scheyden psa. 24, 6.Dat is tgheslachte, die Godt verbeyden. Maer die niet en ghelooft Gods woort Maer gaet na menschelijcke leeringe voort Dat hert aen deser werelt hanghen
Mat. 3, 7.Dat is tgheslachte vander Slanghen. Och Heere God die de siel gheneest Hoe weynich zijn der heylighen dijn gheweest Vanden begin tot deser vren Sap. 16, 7O Salichmaker der Creaturen. Ro. 15, 11 Loeft ghy Heydenen den Heer vermaert 1. pet. 2, 10Want voortijts als ghy Gods volck niet en waert Doen heeft v God in hem ontfangen Maer wacht v voor dat zaet der Slanghen.
Cookies on Poetry Cove