C Na de wijse: Het daget wt den Oosten. ICk heb droefheyt vernomen Hoe sou ick zijn verblijt 4. es. 15, 28 Apo. 12, 8.De Draeck is op Aerden ghecomen Beuangen met grooten nijt. Mic. 2, 8. 4. es. 16, 72 In al tlant gaet hy roouen Met also grooten macht Gods woort wil hy niet gheloouen So heeft hy hem bedacht. Twee Joncfrouwen deden sy vanghen Die van Beckom, waren sy ghenaemt Sy beminden Gods waerheyt met verlangen Mar. 8, 38Sy hebbens haer niet gheschaemt. Men deedtse te Deuenter brenghen Voor mijn Heer van Isselsteyn Diet gheloof niet conden gehenghen Die waren daer int ghemeyn. De Stadthouder deed haer vraghen Wat haer ghelooue weer
Daer op deden sy ghewaghen Wat is na Christus leer. Men voerdese sonder gecken Te Velden al op dat huys Om van de waerheyt af te trecken Dat was haer so grooten cruys. Twee Tyrannen deden sy crijghen Al wt dat Bourgoensche Hof Om de Jonckvrouwen te bedrieghen Des hadden sy gheenen lof. De Tyrannen deden vraghen Na haer Doopsel pertinent Sy sochten gheen listighe laghen Maer hebbent vrymoedich bekent Als Christus ons Heer verheuen Spreeckt Marcus aent sesthiende oort mat. 28, 19 mar. 16, 16 Act. 2, 41. ende 8, 36. ende 10, 47.Den gheloouighen sal men dat gheuen Leert ons zijn Godlijck woort. Men vraechde haer sonder cesseren Na tPapen Sacrament mt. 26, 25 mar. 14, 21 Luc. 22, 19 1. cor. 11, 22Wy houden vant Nachtmael ons Heeren Hoe vraecht ghy also blent. De ionckste is eerst ghenomen Hofvrou Mary, na mijn verstant Om hare Suster te ontvromen Hebben sy haer eerst verbrant. Sy badt al sonder verdrieten De Ouerheyt seer saet Dat sy niet meer souden vergieten Dat recht onschuldich bloet. Dander vraechden sy met practijcken Orsel was sy ghenaemt Oft sy niet woude afwijcken Haer suster was ghebrant, gheblaemt. Sout ghy my van de waerheyt drijuen Om desen tijtlijcken doot Neen, by Christum wil ick vroom blijuen Mijn Hulper in aller noot. Oock brachten sy haer te handen
Te bidden al om dat sweert Met hare suster te verbranden Heeft sy also begheert. Dus zijn sy afghescheyden Te betuyghen dat Godlijck woort Al om de waerheyt te verbreyden Storuen sy onghestoort. O Heer wilt ons bewaren Al van dat Bourgoensche Hof Voor den Duyuel ende zijn scharen Sterckt ons in uwen lof. mat. 24, 22 Heer wilt de daghen vercorten ioan. 14, 16 ende 15, 26. ende 16, 7. Seynt ons den heylighen Gheest En wilt die in ons allen storten Int lijden aldermeest. Die dit dichte met verblijden Godt wil hem altijt bystaen Oft hy om de waerheyt sou lijden Als dese twee hebben ghedaenn.
Cookies on Poetry Cove