C Na de wijse: Ic had een gestadich minneken. O luc. 17, 5. Sterckt ons ghelooue bloot Want het al in v voorsienicheyt Voorsien is, cleyn en groot Vander gheboorte tot inder doot O Heer almachtich Vader Leert ons allegader mat. 10, 32 Luc. 12, 8.V belijden in onsen noot. Wy zijn so seer sorchuuldich Al in dit aertsche pleyn In lijden onuerduldich Wy en weten niet certeyn Van dat Ghelooue reyn O alder ghenadichste Heere Willet ons toch leeren Want ghy hebt de macht alleyn. Dat Ghelooue is groot en machtich Dat seg ick v voorwaer Mat. 9, 2.Het maeckt den Lammen crachtich Den blinden siende claer Eph. 2, 7.Het is Godts gaue voorwaer O Heer van alder weerden Leert ons toch volheerden Int Ghelooue voor ende naer. O Ghelooue sonder mincken Wel te recht sydy vermaert O Heer wilt ons ghedincken Int Ghelooue na uwen aert
Ons int Ghelooue bewaert O Vader tot allen vren Ghedenckt v creatueren Al inder henen vaert. Jaco. 1, 17 O ghy Gheuer van alle goeden En verlaet ons nemmermeer Maer wilt ons toch behoeden Van alle valsche leer Na v staet alle ons begheer O Christe alle mijn bede Is, dat ghy ons gheeft vrede Door tGheloof aen onsen Heer.
Cookies on Poetry Cove