C Na de wijse: Waer Godt niet met ons in deser tijt. MIjn siele mach gheen troost ontfaen Ick sie de werelt dolen Daer toe Gods woorden seer versmaen Heb. 11, 38Sijn kinders vlien in holen Gen. 4, 8De eene wort gheslaghen doot De ander leeft in lijues noot De derde wort verdreuen. Exo. 1, 10* 4. re. 21, 16. 1. ma. 1, 33* 3. mac. 93* heb. 11, 36* Tgaet recht alsser gheschreuen staet By vele Gods Propheten Doen Israel veruolcht, versmaet Ghedoot was en verbeten Haer bloet en heeft niemant versaet Sy soecken altijt nieuwen raet Gods kinders te vernielen. Amo. 7, 13 Waer Amos nu in deser tijt Tot Bethel moest hy blijuen Waer 3. reg. 19, 2 Elias in dit ghecrijt Men soude hem ontlijuen Door Balaams Priesters en meer Gheen ghenaey is by eenich Heer Elias moeste steruen. Bel 13 Met asch heeft Daniel belet
De Priesters Bel te eeren Nu mach Gods woort noch Godes Wet De werelt niet afkeeren Doen adt Bel by nacht, nu by dach Dat Gods woort sulcx niet letten mach Dat doet de Christen weenen. mat. 23, 36 Hierusalem, Hierusalem Waerom raet ghy te doyen Mat. 2, 16Een kint seer cleyn in Bethlehem Ghy moghet niet wtroyen Dat maeckt Herodem seer verstoort Hy doet noch menich wreede moort Gen. 4, 10 4. esd. 15, 8Dat bloet claecht inden Hemel. Herodes wilt dit recht verstaen En latet v ontfermen ioan. 18, 36.Dat kint soeckt hier gheen rijck tontfaen mt. 11, 28Maer troept cleynen en armen Sijn dienaers zijn oock so ghestelt Sy soecken gheen schat noch ghewelt Dus laet Gods kinders leuen. Achab Coninck van Israel Hoe isset hem verganghen 3. reg. 21, 8Een raet gaf zijn wijf Jesabel Dat Naboth wort gheuanghen En onschuldich ter doot ghestient Sijn Acker heeft Achab ghedient Daerom moest Naboth steruen. exo. 14, 28 Waer is Pharao wreet en fel 2. Mach. 9, 28.En Antiochus ghebleuen Nero den wreeden Keyser snel Act. 12, 23Herodes daer beneuen Sy hebben noch veel Broeders meer Die strijden teghen Themelsch heyr Waeckt op Princen wilt mercken. O siel nu laet v schreyen staen De blinden willen dolen Ghy hebt van Godt een gaef ontfaen Die leert bouen de Scholen Godt Vader, Soon en heylich Gheest
Sy lof, prijs in sHemels Foreest Nu singt ghy Christen, Amen.
Cookies on Poetry Cove