C Nae de wijse: O Herders van Syon coene. O Heere sterck van crachten Tot v neem ick mijn keer V gracy wil ick verwachten Hier en is niet dan valsche leer Jae hier is toch // niet dan bedroch Alsmen siet voor ooghen Heer wilt my helpen noch. Ick bid v God almachtich Helpt my van dit ghebroet O Heer maect my toch crachtich Bewaert Heer mijnen voet Van haren pat // want hy is glat Wilt my toch ghenade gheuen Apo. 21, 2.Dat ick mach gaen, na de schoone stadt. Och hoe mach toch dit wesen Dat de menschen dus veruremt zijn Want sy God niet willen vresen
Noch en leuen, na zijn woorden fijn Sy zijn verblint // gheheel ontsint Wat moghen sy bedincken? Ontwaect nu ghy menschen kint. Het is seer te beclagen O God ghebenedijt Datter gheschiet in dese dagen Ouer al de werelt wijt Alle wreetheyt // is wijt ontspreyt De lueghen is verheuen Al bouen Gods Maiesteyt. De waerheyt wort verdreuen Door de valsche Propheten fel Want sy haer wel wtgeuen Voor de Herders van Israel Sy en zijns niet // als Schrift bediet Daer staet anders van gheschreuen Och menschen toch voor v siet. Ghy muecht wel aen haer mercken Dattet dwalende Gheesten zijn Aen haer woorden ende wercken En met haer gheueynsde schijn Bedriegen v // ick v waerschu mat. 24, 4 1. cor. 6, 10 Eph. 5, 6. 2, Tess. 2, 3 Colo. 2, 8.Laet v niet langer verleyden Wilt scheyden wt Sodoma nu. mat. 7, 15 Merct toch wel op de vruchten Die v leeraers baren ghemeen Het is seer te beduchten Dat ghyer niet sult vinden een Die geroepen is // verstaet dit fris Sy zijn oock niet ghesonden Als de Schrift ghetuycht ghewis. Hoort menschen gepresen Aensiet doch v leuen blent Wilt niet ongehoorsaem wesen Bout op gheen vreemt Fondament 1. cor. 3, 11.Daer en mach siet // vaet dit bediet Gheen ander gheleyt worden Dan daer gheleyt is met vliet.
Lof Prince Vader eersame Tot v is noch mijn roepen ient Maeckt my nu doch bequame mat. 10, 22 ende 24, 13. mar. 13, 13.En volstandich tot int ent Dat ick mach staen // sonder afgaen Op v woorden verheuen Weert my van der Godlooser baen.
Cookies on Poetry Cove