C Nae de wijse: Den coelen Mey is nu in tijden. TVeruolch is nu in saisoene Lacen vrienden ouer al Joan. 16, 2Men meynt een dienst daer aen te doene So wie v dooden sal Voor breet en smal Staen nu de bloedighe handen Seer wreet en fel, so staen haer tanden Hier in dit aertsche dal. mat. 10, 23 Maer al ist dat sy v veruolghen So vliet in een ander pleyn En zijt daeromme niet verbolghen Maer troost v op God alleyn Fondeert v reyn Op Christum, en slaet hem gheen swijcke Act. 14, 22Door veel drucx moeten wy gaen int Rijcke Dit is den wech, en anders gheyn. psa. 34, 20 2. tim. 3, 12 Dat de Rechtueerdighe moeten lijden Heeft Paulus ons wel vermelt mat. 5, 11 Luc. 6, 22.Sijt ghy ghehaet, wilt v verblijden Ro. 12, 2.Als de werelt v niet en stelt Noch om goet, om ghelt En wilt van het lijden niet versaghen Ghy weet, elck moet dat cruyce draghen mat. 11, 12.Want dat Rijck der Hemelen lijt ghewelt. ioan. 14, 12 God en sal ons niet laten als weesen Die lijden om sinen Naem hoort Esa. 51, 7. ende 12. Jerem. 1, 8 mat. 10, 28 Luc. 12, 4.Daeromme laetse ons niet vreesen Maer vreest hem, die met een woort Gheheele verstoort Siele en Lichaem sal smijten Daer niet en is, dan eeuwich crijten esa. 66, 24 iudit. 16 25 mar. 9, 47En den knagenden worm niet en versmoort. luc. 12, 32 Vreest nu niet ghy cleyne Schare Die met lijden zijt beswaert Want het is den wille van dijnen Vaer Laet ons wesen stout onueruaert
esa. 26, 17. Mic. 4, 9. Joan. 16, 21Ghy die nu baert Sijt vroom in al v benouwen eccli. 2, 6.Wilt altijt op Godt betrouwen mt. 17, 20 Luc. 17, 6.Hebt een ghelooue, sterck als een mostaert. esa. 49, 15 Ist moghelijck dat sou verlaten Een moeder haer eyghen kint So en sal ick v (elck wil dit vaten) Ist dat ghy my bemint Elck dit versint Ro. 8, 31.Is Godt met ons, wie mach ons deren? mt. 10, 30 Luc. 12, 7.Niet een hayr, en machmen van ons weren Sonder den wille van Godt, alsomen vint. Orlof alderhoochste Heere verheuen Coninck der glorien ient Die voor ons oock liet v leuen V arm knecht toch eens bekent Vwen Gheest prent Teghen dees duyster wercken O Godt wilt ons ghelooue stercken Dat wy v moghen volgen tot in het ent.
Cookies on Poetry Cove