C Na de wijse: Rijck Godt wie sal ick claghen EEn nieuwe Liet wilt hooren Wat te Rotterdam is gheschiet De Raet verwees Godts wtuercoren Maer haer tijt en was daer niet Sy en condent niet volbringhen Esau heeft Antiochus belet Het gheschiede door Godts ghehinghen Maer niet na Christus wet. 2. Pet. 2, 2 Daer zijn veel valsche Propheten Gheweest in voorleden tien Die haer ghewelt hebben verweten Christus heeft tot zijn Jongheren van dien Te voren al ghesproken Dat mat. 24, 21 mar. 13, 22 sodanighe souden opstaen Hoe wel dat sy de schaepkens doorsoecken Men vinter alsulcks niet aen. Daer heefter vijf gheleghen Vijf weken, eenen dach ende nacht Haer ghelooue sy niet en versweghen Sy zijn in de vierschaer ghebracht Ick was in mijnder herten Met haer na den gheest verblijt Hopende na luttel smerten Dat haer verlossinghe naeckte subijt.
Het vonnis is ghegheuen Al na des Keysers Placcaet De schaepkens te beroouen dat leuen Met malcander hielden sy raet Nu zijn de Heeren schuldich Al aen dat Christen bloet Vader lijdt de sonden verduldich Verlicht haer, oft sy deden boet. Den outsten is af ghecomen Met verbonden ooghen ghestelt Aen eenen staeck, en tghesicht benomen De buel toonde daer zijn ghewelt En leyde tvier bezijden Dat stroo hy aen hem stack Leuendich in grooten lijden Tghemeyn volck de daer ouer wraeck. Sy ghebruycken boose handen De Heere heeft dit verhenckt Sijn schaepkens quamen weer schanden Alle vijf, dit wonder bedenckt Daer was een groot versaghen Te Rotterdam, somen daer sach Tscheen oft Godt een weynich plaghen Ouer haer bracht in dien dach. Christus leert gheen oproer te maken Maer mat. 11, 29 saechtmoedich te zijne, hoort Sy mt. 16, 24 mar. 8, 34 Luc. 9, 23. moeten haer seluen versaken Wie hem volghen wil, laet ons voort Aen alle dingen bewijsen 2. cor. 6, 4Als Godts dienaers, so Paulus schrijft Met groote ghedoochsaemheyt Godt prijsen Siet waer toe hy de Corinthen drijft. Josu. 7, 25 De Wet plach steenen te voeren Maer het is nu een ander tijt Wy en moghen gheen wapen roeren Wtwendich, dan Eph. 6, 17 tsweert des Geests beurijt Dwelck is Godts woort claerlijck En is als een Jer. 23, 29 Hamer, somen leest Die steenrootsen vermorwet waerlijck
Hier me strijden de Christen meest. Sy beuelen apo. 17, 14 ende 19, 16. den Heere der Heeren Watmen hier niet met verwinnen can Dat si noch tot beweghen hanteeren Is mat. 18, 15 den Euangelisschen Ban Die achter is ghelaten Van Christus tot dien tien mat. 5, 30. ende 18, 8. mar. 9, 42Wat Let dat hem arghert, wilt vaten Seyde hy, dat si souden afsnien. Wie onder dit woort verherden Dat daer straft de sonden al Daer Jer. 23, 29 versteende door vermorwet werden Alsmen dese noch soecken sal Hoe machmen dat beghinnen Profijtelijcker voor hem Dan na Christus leer wilt versinnen Joan. 10, 27Sijn schaepkens hooren zijn stem. Och Heer bewaert v schapen Die den offer so na gheweest zijn Spijst alle v Herders, v knapen Schinct haer gherechtighen wijn So moghen si ons lauen Jaco. 1, 17Want van v, O Hemelsche vaer Comen alle goede volmaecte gauen Wy zijn arm, en sondich allegaer. Ghy menschen al te samen Ick schinck v wt liefden dit liet Dat ghy op de Schrift sout ramen Die en sal v bedrieghen niet Ghy moecht daer wel op mercken Eph. 5, 14Ontwaect, van der doot, wilt opstaen So sal v Godt verlichten en stercken Mat. 7, 7.Wie clopt wort open ghedaen.
Cookies on Poetry Cove