C Na de wijse: Hubsch maechdelijn, Hubsch maechdelijn. GHy Christenen wilt verblijden Nu en tot alder tijt Stelt alle droefheyt bezijden. Want ghy zijt nu beurijt. Apoc. 1, 5. ende 5, 9.Door Christus dierbaer bloet alleene Sijt ghy ghewasschen van sonden reene Joan. 3, 3.Al die herboren zijt. 1. pe. 1, 23 Niet wt verganckelijcken zade So ons Petrus doet vermaen Maer door des woorts Gods rade
So moet gheschien saen Hierom wilt v na Gods woort voeghen 2. cor. 12, 9Laet v met zijnder ghenaden ghenoeghen Hy en sal v niet versmaen. Mat. 25, 6 Hy sal v teghen comen Al inder middernacht Als eenen Bruydegom vrome Hierom weest inde wacht Ende laet v lampen branden Dat ghy niet en coemt tot schanden So en wort ghy niet veracht. mat. 25, 10 Dus elck wil hem bereyden Die met den Bruydegom wil ingaen Want hy en sal niet verbeyden Dat de dwase om olie gaen mat. 7, 21. Luc. 13, 23En al roepen sy, Heer Heere So sal hyse van hem keeren Hy en salse niet ontfaen mat. 25, 13 mar. 13, 33 Luc. 12, 40 Waeckt en bidt tot allen tijden Ghy Christenen al ghemeyn En wilt het quaet vermijden Want ghy en weet certeyn Gheenen sekeren tijt noch vre Wanneer de Heer sal comen puere Dus blijft by zijn woorden reyn.
Cookies on Poetry Cove