C Na de wijse: Alst begint. Oft: Laet ons den Heere singhen.
TRibulaci en verdriet O siel wat moet ghy lijden Salt lange dueren // O God dit swaer ellent Gantsch anders niet Dan Job 7, 1. een ghestadich strijden Is mijn leuen tallen vren // waer dat ick ben ghewent Suchten en trueren // zijn my veel tijts ontrent Laeft my met v ghenade, eer ic verdwijn als wiet Troost ghy my niet // so blijue ic int verdriet. Als ick dijn woort Ghedenck O Vader ghepresen Met dijn gheboden, ende gherechticheyt My coemt aen boort Cleynmoedicheyt gheresen Want na dijn welbehagen, en ben ic niet bereyt esa. 64, 19Al mijn gerechticheden, zijn als een onreyn cleyt O God voor uwe oogen, ic ben swacker dan riet Troost ghy my niet // so blijue ic int verdriet. In mijn ghemoet Neem ick seer neerstich vooren Snel vierich v geboden, te houden wel gerust Vleesch ende bloet Dat coemt my weder stooren Door strijden vechten, Gal. 5, 17. het tegen den geest lust psa. 42, 2.Alst hert na een fonteyne, mijn siel (God) na v durst 4. es. 2, 43 1. pet. 5, 4 Jaco. 1, 12 Apo. 2, 10Van v gecroont te wesen, waert baren eens gheschiet Troost ghy my niet // so blijue ic int verdriet. De Gheest wil voort Na Jerusalem met lusten 4. es. 7, 6Die stadt vol goeden, innemen voor een erfdeel Tvleesch maeckt discoort En brengt my swaer onrusten Met recht mach ic wel roepen, tot v met luyder keel O Heere vol genaden, ps. 102, 3. bercht v aenschijn niet gheheel psa. 86, 1 ende 88, 3. ende 102, 3. Tre. 3, 57.Neycht v oor tot mijn roepen, v swacke knecht aensiet
Troost ghy my niet // so blijue ic int verdriet. Met mijnen mont En can ick niet belijden Al dat in desen tijden, mijn siele wederuaert Met loosen vont Coemt Sathan my bestrijden Recht oft ghy my O Heere geen helper meer en waert So listich is de leere sduyuels ons wederpaert 1. pet. 5, 8.Om mijn siel te verslinden, grimt y met neerstighen vliet Troost ghy my niet // so blijue ic int verdriet. Ick roep om troost O Godt met droeuen sanghe Siet doch eens neder, op dijnen knecht beswaert Want onghegloost Is mijnen gheest so banghe Verhoort mijn smeecken, dat door de wolcken vaert V geest tot een vertrooster in my toch openbaert Want wt bedructer sielen, singe ic dit droeue liet Troost ghy my niet // so blijue ic int verdriet. Dickmael ick meen Als dat ick ben verlaten Van uwen Geest, O vader hoort mijn belijt Ick gaen alleen Als weesken, mijnder straten Beurucht met angste, benaut op sulcke tijt Heer haest u mi te helpen, eer mi de slang verbijt Als een schaep byder heyden, heeft my de leeuwe bespiet Troost ghy my niet // so blijue ic int verdriet. Als een die bloot Staet, tusschen duysent sweerden Omringt aen alle zijden, van zijn vianden hant Sie ick de doot Want ic weet geen toeulucht op eerden So ghy Heer van weerden, my niet bewijst onderstant En door v cracht bewaren, tot v rijc triumphant psa. 91, 5 Eph. 6, 16Voor al des Satans pijlen, die hy so vierich schiet
Troost ghy my niet, so blijue ick int verdriet. Psa. 25, 7. De sonden O Godt En wilt doch niet ghedencken Van my bedreuen in mijn ionghe iuecht Psa. 18, 3.Weest my een slodt Bewaert mijn siele voor crencken Om ws naems wille maect toch mijn geest verhuecht O Vader wilt verkeeren, al mijnen druck in vruecht Psa. 91, 4Op dat ick Heer mach schuylen onder v vlueghels siet Troost ghy my niet // so blijue ic int verdriet. Psal. 6, 2. ende 38, 2. Jere. 10, 24 O Heer vermaert Straft niet in uwen toren Castijt my niet in uwen grammen moet psa. 51, 7Wt Adams aert Ben ick in sonden gheboren Gen. 6, 5. ende 8, 21. Job 15, 16Boos van natueren, twelc my nu trueren doet Wilt my doch stueren, recht vueren mijnen voet Dat hy van dijne paden, tot quaden niet en vliet Troost ghy my niet // so blijue ic int verdriet. Job 31, 4 ende 34, 22. Pro. 5, 21. V zijn bekent Alle mijn ganghen en weghen Mijn eten, drincken, sitten, liggen en opstaen iob. 42, 2 4. es. 16, 55Tghedacht inwent Dats v bekent te deghen Al sit ghy hooch int dencken, iob 28, 25 Pro. 15, 3. tneder schot ghy wel aen ps. 130, 3. ende 143, 2.Wie sal voor dijn gerechte int ordeel blijuen plaen apo. 1, 14 ende 2, 18. ende 19, 12.Die met viervlammige oogen, 1. re. 16, 7 1. par. 29, 9 Psa. 7, 10. Jere. 11, 20 ende 17, 10. ende 20, 12. Apo. 2, 23. hert, sin en nieren doorsiet Troost ghy my niet // so blijue ic int verdriet. Voor dijnen gheest Weet ick waer vlieden van sorghen Want bouen, beneden, zijt ghy al om eenpaer Spreeck ick duyster foreest Dat sal my wel verborghen De nacht licht als de sonne voor uwe ooghen claer apo. 15, 3.Wonderlijck zijn v wercken, dat kent mijn siel voorwaer esa. 46, 9.Ghy weet verborgen dinghen, eer dat sy zijn gheschiet
Troost ghy my niet // so blijue ic int verdriet. Psa. 51, 9. Ontsondicht my Met ysop Heere des vreden Eph. 5, 26Wasschet my van mijn sonden, sneeu wit also men leest Ick roep tot dy Met suchten, smeecken en beden Psa. 51, 12Schept in my een reyn herte en eenen nieuwen gheest Heb. 12, 1Op dat ick vroom mach strijden tegen Draec ende Beest Dat ick ontfange de Sap. 5, 17 4. es. 2, 43 2. Tim. 4, 8 1. Pet. 5, 4 Jaco. 1, 12. Apo. 2, 10. croone, die my v roepinghe biet Troost ghy my niet // so blijue ic int verdriet. Nu hebt ghy Heer verhoort Mijn smeecken, bidden en claghen apo. 4, 11 ende 5, 12.V moet geschieden, prijs, stercheyt en gebot Mijn siele ghy antwoort O siel weest niet verslaghen mt. 28, 20Want ick sal by v wesen, v 2. co. 6, 18 vader ende Godt Joan. 15, 9Maer blijft in mijnder liefden, dit is het rechte slot Wilt v altijt mt. 23, 12. Luc. 14, 11 ende 18, 14. verneren, ic sal v verheffen siet Doet ghy dat niet // so coemt ghy int verdriet. Lof Prince bly Die my troost hebt ghegheuen Lof Godt verheuen, die my sterct inden strijt Lof Heer die my Bracht van de doot int leuen Lof die van sneuen, my sondaer hebt beurijt Lofsanc met beuen, ghy Vader weerdich zijt Lof vader ende sone, met uwen gheest altijt Wat my geschiet // troost my in mijn verdriet.
Cookies on Poetry Cove