C Na de wijse: O Herders van Sion coene. VVijckt af van uwen thooren Ghy Regenten des werelts quaet En wilt dus niet verstooren Dat edele Godlijcke zaet V wel versint // wat ghy begint Ro. 13, 11. eph. 5, 14.Wilt wt den slaep ontspringhen En blijft niet langher verblint. Ghy Heeren hooch van moede Hoe zijt ghy dus bedacht Apo. 17, 6Ghy drinckt der onnooselen bloede Hebt eens uwer saken acht Eens toch aflaet // van v misdaet Mat. 3, 2. ende 4, 17. Mar. 1, 15Doet Boet, wilt v bekeeren Al eert v valt te laet. gen. 4, 9. Leest eens van Abels tijden Hoet dattet is gheschiet Hebben de gherechtighe moeten lijden En zijn ghecomen int verdriet Door tsviants zaet // Tserpent seer quaet Met zijne subtijle treecken In een schijn van ootmoedich ghelaet. Ist niet seer te beclaghen Het iammer dat nu gheschiet Hoe datmense gaet veriaghen Die niemant en doen verdriet Dan na al haer macht // door des Heeren cracht 4. es. 7, 7. mat. 7, 13. Luc. 13, 22De enghe poort doordringhen En zijn hier gheerne veracht. Het staet oock claer gheschreuen Ende moet also gheschien 2. Ti. 3, 12.Alle die Godsalich willen leuen In Christo Jesu, die moeten lien Dus weest verblijt // in deser tijt Ghy diet hier moet besueren
Hebt v vromelijck inden strijt. mat. 24, 9 Joan. 16, 2. Ghy sult (spreeckt Christus verheuen( Van alle menschen (my wel verstaet) Veracht zijn, ende laten v leuen Om mijns Naems wille, v niet en verslaet Ende sommich ghedoot // met torment groot mat. 10, 32 Luc. 12, 8.Die mijnen Naem hier belijden Help ick wt alder noot. Ghy sult noch iubileren Ende eeuwich zijn verblijt Niemant en mach v deren Want Christus heeft v beurijt Sap. 5, 17 4. es. 2, 43 2. Ti. 4, 8 1. pet. 5, 4 Jaco. 1, 12. Apo. 2, 10Ghy wert ghecroont // en wel gheloont Alle die volstandich blijuen V verlosser hem haest verthoont. Wat een loon sal hy haer gheuen Sijn eeuwich Rijck, dit is claer Ende met hem in vruechden leuen Al byder Enghelen Schaer Die hier present // mat. 10, 32 Luc. 12, 8. zijn Naem bekent Sal altijt triumpheren Hier bouen in sHemels Tent. Heb. 12, 1. Hierom wilt neerstich loopen Al na den prijs voorwaer Al sout ghijt met v bloet becoopen En achtet niet een haer V vromelijck stelt // mat. 11, 12 luc. 16, 16. strijt met gewelt So sult ghy moghen winnen De croon, twert v vertelt. Desen strijt hebben ghestreden Mat. 5, 12De Propheten, dit wel vaet mt. 27, *.Christus en de Act. 12, 1 Apostelen mede Alle die leuen na zijn raet 1. pe. 2, 21Dus heeftet tHooft geleen // ons voor getreen Hoe souden oock dan de leden Hier mede niet zijn te vreen? O edele Prince verheuen Wy bidden v met ootmoet V gracy wilt toch gheuen
V arme schaepkens soet Die tot v O Heer // nemen haren keer Ende by v eeuwich te blijuen Dat is alle haer begheer.
Cookies on Poetry Cove