C Na de wijse: Ick sal v met vruechden openbaren. O Sion wilt v vergaren Apo. 19, 8Doet blinckende cleederen aen Verbeyt den Heere der heyrscharen Apo. 22, 7Siet hy sal comen saen 1. pet. 4, 7Dat eynde van alder dinghen In nu ghecomen na by Ro. 13, 11. Eph. 5, 14Ontwaect wilt wt den slaep ontspringhen So maeckt v Christus vry. Heb. 3, 7 ende 4, 7. Hoort ghy zijn stemme heden En verhert v herte niet So sy in de woestijne deden Waerom datse de Heere verliet Sy en quamen niet in der rusten 1. cor. 10, 6Dits gheschreuen tot onsen vermaen Op dat ons gheen quaet en soude lusten Alsoot Israel heeft ghedaen. 1. co. 10, 10 En wilt niet murmureren Teghen den Heere uwen Godt En wilt oock Christum niet tempteren Maer onderdanich wesen zijn ghebot Hebr. 3, 1.Wy zijn gheworden deelachtich Christus in des Vaders schoot Houden wy zijn wesen waerachtich mt. 10, 22 ende 24, 13.Volstandich tot in de doot. Weest dancbaer vroech en spade Col. 3, 14Doet den bant der liefden aen 2. cor. 6, 1 Heb. 12, 15En versuymt niet de groote ghenade
Die Christus ons heeft ghedaen 1. Joan. 16, 20.De werelt sal haer verblijden Ghy sult trueren ende droeuich zijn esa. 59, 15 2. Ti. 3, 12.Sy moeten al veruolginge lijden Die in Christum gheloouende zijn. Jac. 5, 7. Broeders wilt wesen lanckmoedich Staet int Ghelooue, mt. 26, 40 bidt ende waeckt Al rasen v vianden verwoedich De toecoemste des Heeren naeckt Apo. 1, 7.Siet hy coemt inde wolcken Alle ooghen sullen hem sien Dan sal daer onder alle volcken Groot weenen en huylen gheschien. Nu maeckt een bitter claghen Ghy veruolgers ouer al Wat sult ghy doen in dese daghen Als v Godt besoecken sal Ghy meynt ons te beswaren Maer v straffinghe naecket schier Onsen Godt sal hem openbaren Deu. 4, 24 ende 9, 3. heb. 12, 29.Voor hem gaet een verslindende vier. psa. 10, 1. mat. 22, 41 Act. 2, 35. 1. co. 15, 25 Heb. 1, 13. ende 10, 13. Hy sal zijn vianden legghen Tot zijnder voeten banck Dan sullen de Gherechtighe segghen Dit is den man diet al bedwanck Sap. 5, 1Dan sullen de Rechtueerdighe fijn In grooter volstandicheyt staen Teghen die daer ongherechtich zijn En haer druck aen hebben ghedaen. Sap. 5, 3 Dan sullen de quade suchten Groot beclaghen sal daer gheschien Dit zijnse die wy deden vluchten Ende nu in glorien sien Och wy ontsinnighe dwasen Hebben ghemist den rechten padt Wy seyden, dese lieden rasen Maer sy hebbent recht voor ghehadt. Dus sal haer den moet ontsincken Als sy sullen sien der sonden loon
mat. 13, 43Maer de Gherechtige die sullen blincken Ghelijck de Son in haers Vaders Throon O ghy verstroeyde Israelijten Weest vrymoedich tot inden ent apo. 12, 20Al wil v dat Beest verbijten Vwe Godt is een eeuwich Regent. Hy salse rechten allegader mat. 25, 24Als Christus v Bruydegom seyt Coemt beminde van mijnen Vader Dat Rijcke dat is v bereyt Maer totter slincker sijde Sal hy spreken met wreeden moet Gaet van my ghy vermaledijde In de eeuwighe Helsche gloet. Siet daer worden sy al verdreuen Die ter werelt waren seer groot Psa. 125, 1 Sap. 5, 16Maer doprechte sullen eeuwich leuen Want sy lijden ter werelt noot Na der goddelooser ghedachten Sullen sy haer Oordeel ontfaen Sap. 3, 4Die den Rechtueerdighen verachten En zijn vanden Heere wech gegaen. O Heer wilt v niet van ons keeren Merckt ons lijden om uwen Naem O Christe, weert al ons verseeren Maeckt ons door uwen wil bequaem O Vader Godt ende Heere O Princelijcke Maiesteyt Jude 25. Apo. 7, 12 ende 19, 1.V sy alleen lof, prijs en eere Van nu tot inder eeuwicheyt.
Cookies on Poetry Cove